၂၁နှစ်မြောက်လူ့အခွင့်အရေးနေတွင် BPPU ၏ထုတ်ပြန်ကြေငြာချက်
မတ်လ ၁၃
မြန်မာနိုင်ငံ လူ့အခွင့်အေ၇းနေ့ကို ကမ္ဘာ့နိုင်ငံအချို့တွင် တပြိုင်တည်းကျင်းပနေ ကြကြောင်း သိရှိရသည်။ မြန်မာ နိုင်ငံတွင် ၂၆နှစ်ကြာ တပါတီ အာဏာရှင်စနစ်ကို ပြုတ်ကျရေးနှင့် ဒီမိုကရေစီစနစ် ပြုပြင်ပြောင်းလဲရေး လူထု လှုပ်ရှားမှု အထိဖြစ်ပေါ်စေခဲ့သော သမိုင်း ၀င်နေ့တစ်နေ့ဖြစ်သည်။
အန္ဒိယ၊ ထိုင်း၊ ဂျပန်၊ အမေရိကန်၊ ဗြိတိန်နှင့် အခြားနိုင်ငံ များတွင်လည်း အခမ်းအနားများ ကျင်းပကြသည်။ ထိုင်းနိုင်ငံ မဲဆောက်မြို့ တနေ၇ာတွင် ဆွမ်းကျွေး တရားနာပွဲနှင့်အတူ နိုင်ငံရေးစကားဝိုင်းကို ၁၉၇၄ ကျောင်းသား ဟောင်းများ၊ ၈၈ရန်ကုန်စက်မှုတက္ကသိုလ် ကျောင်းသားဟောင်းများ၊ မြန်မာနိုင်ငံ ကျောင်းသားများ ဒီမိုကရက်တစ်တပ်ဦး (အေဘီအက်စ်ဒီအက်ဖ်) ကျောင်းသားများ အဖွဲချုပ်က ကျောင်းသား ကြီးများက ကျင်းပခဲ့ကြသည်။
ဦးဆောင်ကျင်းပသူ တစ်ဦးဖြစ်သူ ကဗျာဆရာ ကိုလွဏ်းနီက “မဆလစနစ်ဆိုးကြီးကို ကျနော်တို့ ကျောင်းသားတွေနဲ့ ပြည်သူတွေ လက်တွဲပြီး တိုက်ပွဲဝင်ခဲ့တာပါ။ ပြည်သူတွေ ပူးပေါင်းပါဝင်မှ လူထု အောင်ပွဲဆိုတာ ဖြစ်လာတာပဲ။ ခွပ်ဒေါင်းသွေးတွေ ရဲရဲနီဆဲပါ။ ခွပ်ဒေါင်းအလံတွေကို လက်ဆင့်ကမ်း သယ်ဆောင်ကြဆဲပါ။ ခေတ်အဆက်ဆက် ဗိုလ်အောင်ကျော်တို့ ခေတ်က နယ်ချဲ့ ကို တော်လှန်ခဲ့ကြ ဗိုလ်ချုပ်အောင်ဆန်းတို့ အလယ် ခုနောက်ဆုံးအထိ တွန်းလှန်ခဲ့ကြတယ်။ အာဏာရှင်တွေ သတ်ဖြတ်ခဲ့လို့ တစ်နိုင်ငံလုံးဆိုရင် သောင်းချီပြီး သေမယ်လို့ ခန့်မှန်း၇ပါတယ်။ ရင်ကော့ပြီး စတေးခဲ့ကြတဲ့ ကျောင်းစိမ်း အဖြူတွေနဲ့ ကျောင်းသားငယ် တွေရဲ့  သွေးတွေ ကတ္တရာလမ်းပေါ်မှာ ရှိနေပါသေးတယ်။ အောင်ပွဲကို ဆောင်ကျဉ်း နိုင်တဲ့ အထိကျနော်တို့ ခိုင်ခိုင်မာမာ တိုက်ပွဲဝင်သွားမယ်လို့ ကျနော်တို့ နှလုံးသွင်းထားပါတယ်။ မတ်လကျောင်းသား သွေးမြေကျတိုက်ပွဲကို အာဏာရှင်တွေက အရပ်သားနဲ့ ကျောင်းသားရန်ဖြစ်တာလို့ ခုထိ သမိုင်း ကို လိမ်ဖို့ကြိုးစားတုန်း ဖြစ်တယ်''ဟု ပြောသည်။
၁၉၈၈ ရန်ကုန်တက္ကသိုလ် ဗကသ အဖွဲ့မှ ကိုတင်အေးက'' ကျနော်တို့တခါမှ မမြင်ခဲ့ဖူးတဲ့ ကျောင်းသား သမဂ္ဂ ခွပ်ဒေါင်း အလံကို မတ်လ၁၆ရက်နေ့မှာ ၇န်ကုန်တက္ကသ်ိုလ်မှာ စပြီးတော့ ကျနော်တို့ ကိုယ်တိုင် လွှင့်တင် နိုင်ခဲ့တယ်။ စက်မှုတက္ကသိုလ်ကို ပိတ်လိုက်ပြီ။ ၇န်ကုန်တက္ကသိုလ် လှိုင်နယ်မြေကို သွားပေါင်းမယ်ဆိုပြီး လုပ်နေတဲ့ အခါ ပစ်သတ်တာပါ။ ကျနော်တုိ့၈၈မှာပါဝင်ခဲ့တယ်။ ခုမျိုးဆက်သစ် ကျောင်းသားတွေ ၂၀၀၇ မှာ ဆက်ကိုင်တယ် ကျောင်းသား အဆက်ဆက်ဟာ အာဏာရှင်ကို တော်လှန်တယ်။ တစ်ဦးချင်း ကြောက်ကောင်း ကြောက်မှာဖြစ်ပေမယ့် ကျောင်းသားထုဆိုတာနဲ့ တပြိုင်နက် ပြည်သူရှေ့က မားမားမတ်မတ် သမိုင်း တလျှောက်မှာ ရပ်တည်ခဲ့တယ်။ ကျနော်တို့ ထောင်ကျနေ ချိန်မှာ မမွေးသေးတဲ့ ကလေးတွေ ခုခွပ်ဒေါင်း အလံကို ဆက်ကိုင်ကြတယ် အားရကြေနပ်ပါတယ်''ဟုပြောသည်။
အာဏာပိုင်များ ပစ်ခတ်မှုကြောင့် ရန်ကုန်စက်မှုတက္ကသိုလ် ကျောင်းသား ကိုဖုန်းမော် ကျဆုံးသည့် နေ့ကို မြန်မာနိုင်ငံ လူ့အခွင့်အေ၇းနေ့ အဖြစ် သတ်မှတ် ကျင်းပလာခဲ့သည်မှာ ယခု ၂၁နှစ်တိုင်ခဲ့ပြီ ဖြစ်သည်။
၁၉၈၈ ခုနှစ် မတ်လ ၁၃ရက်နေ့တွင် ရန်ကုန်မြို့ အင်းစိန်ရှိ စက်မှုတက္ကသိုလ်ကို မြန်မာ စစ်တပ်က စစ်တလင်းပြင်သဖွယ် စီနင်းတိုက်ခိုက်မှုနှင့် မတ်၁၆ ရက်နေ့ ရန်ကုန်ပင်ပမက္ကသိုလ် အနီး အင်းယားဘေး တံတားဖြူကား မှတ်တိုင်တွင် စုဝေးနေသော ကျောင်းသားများကို ထပ်မံ၍ ပစ်ခတ်ခဲ့သည်။
၁၉၈၇ခုနှစ်လည်က တိုင်းပြည်တွင်း သုံးစွဲနေသော ငွေစက္ကူများကို မဆလအစိုးရက တရားမ ၀င် ကြေညာခဲ့သည်မှ စ၍ မြန်မာပြည်သူများ မကြေနပ်မှု ဖြစ်ပေါ်နေခဲ့သည်။ ၁၉၆၂ ကျောင်းသားဟောင်းများနှင့် ၁၉၆၇ ခုနှစ် ကျောင်းသားဟောင်းများ၏ မြေအောက် လှုပ်ရှားမှုများကလည်း များစွာ အရာရောက်ခဲ့ကြောင်း ကျောင်းသားများက ပြောသည်။
ကိုကျော်သောင်းမှပေးပို့ပါသည်။
.pdf.jpg)
No comments:
Post a Comment