မူရင်းPDF ဖိုင်ဒေါင်းလုပ်ရယူရန်The Truth Journal Volume 1
တိုက်ရိုက်လေလှိုင်း အစီအစဉ်တစ်ခုတွင် မကြာသေးမီ အချိန်ကမှလွတ်လာသည့် သတင်းစာ ဆရာကြီး ဦးဝင်းတင်က “ဒီဖွဲ့စည်းပုံအတိုင်းသွားရင် ငရဲရောက်မှာပဲ”ဟု ဖြေသွားခဲ့သည်။ အတိုဆုံး၊ အရှင်းလင်းဆုံးနှင့် အမှန်ကန်ဆုံး အဖြေဟုပင် ဆိုရပါမည်။
၁၉၆၂ ခုနှစ်က ဦးနေဝင်း စစ်အာဏာသိမ်းခဲ့သည်။ ၁၉၇၄ခုနှစ်တွင် ၄င်းတို့အတွက် တရားဝင် မှုကို အတည်ပြုသည့် ဖွဲ့စည်းပုံ အခြေခံဥပဒေဖြင့် အရပ်သား အစိုးရအသွင် ပြောင်းကာ ၂၆နှစ် တိုင်တိုင် အုပ်ချုပ်ခဲ့သည်။ ထို၂၆နှစ်တာကာလ၌ တိုင်းပြည် အတွင်းဘာဖြစ်ခဲ့သည်ကို လူထု အသိပင်။ အဆိုးဆုံးမှာ ထိုအာဏာရှင် အသိုင်းအဝိုင်း အစဉ်အဆက်၏ အောက်တွင် ပြည်သူအားလုံး ကျွန်သဘောက်ဘဝဖြင့် ရုန်းကန်ရှင်သန် ခဲ့ကြရသည်။
ဆုံးရှုံးခဲ့ရသော အသက်များ၊ ဘဝများ သယံဇာတနှင့် စည်းစိမ်ဥစ္စာများ ငွေကြေးတန်ဘိုးများ က ရေတွက်၍ပင်မရ။ ယခု စစ်အာဏာရှင်များသည် ဦးနေဝင်း၏ လက်ရင်း ငယ်မွေးခြံပေါက် များဖြစ်သည်။ အာဏာအတွက်ဆိုလျှင် သံဃာတော်များကိုပင် သတ်ဝံ့သူများ။ အနိုင်ကျင့် ဖိနှိပ် ရက်စက်မှုများတွင် ဆရာထက် တပည့် လက်စောင်းထက် သူများ။
၁၉၇၄ခုနှစ် ဖွဲစည်းပုံသည် ဆိုရှယ်လစ်အမည်ခံသူတို့၏ မဆလပါတီကို ခိုင်မာရှည် ကြာအောင် အာမခံ ခဲ့သည်။၂၀၀၈ခုနှစ်တွင် ၄င်းတို့ နည်းလမ်းမျိုးစုံသုံးကာ မတရား အတည်ပြု ထားသော ဖွဲ့စည်းပုံက စစ်တပ်မှ တိုင်းပြည်အပေါ် ရာသက်ပန် ချယ်လှယ် နိုင်ခွင့်ကို ပြဌာန်းထားသည်။ ပြည်သူတို့အား စစ်ကျွန်ဘဝတွင် ဆက်နေရမည်ဟု ထင်ရှားစွာ ဖေါ် ပြထားသည်။
၁၉၆၂ ခုနှစ်မှ ယခု၂၀၀၉ ခုနှစ်အထိ ၄ရနှစ်ကြာမျှ ငရဲခန်းပင်မဆုံးသေး။ ထိုဖွဲ့စည်းပုံ အတိုင်းသာ ဆိုလျှင်တော့ ငရဲသို့ တခေါက် ထပ်ရောက်ကြပေဦးမည်။ပြည်သူတို့အနေဖြင့် စစ်ကျွန်ခံမလား တော်လှန်မလားဆိုသည့် မေးခွန်းကို ဖြေဆိုရန် အချိန်တန်နေပြီဖြစ်သည်။ သူတို့ ဖွင့်ပေးသော ထွက်ပေါက်(သို့) သူတို့ခင်းပေးသောလမ်းကို လျှောက်၍ ငရဲသို့ အရောက် သွားကြမည်လား။ သို့မဟုတ် သူတို့ ပိတ်ဆို့ ထားသည်များကို ရိုက်ချိုး၍ ဖေါက်ထွက် ကြမည်လား။
သူတို့ဖွင့်ပေးသော ထွက်ပေါက်၏ အရှေ့တွင် ငရဲအဝင် တံခါးကပွင့်လျှက်။ ညီညာစုစည်းစွာ တော်လှန် ဖေါက်ထွက် ကြမည် ဆိုလျှင်တော့ အတု အယောင် အမျိုးသားညီလာခံက ရေးဆွဲထားသည့် ၂၀၀၈ဖွဲစည်းပုံ အခြေခံ ဥပဒေကို ပြည်သူတရပ်လုံးမှ ပြန်လည်သုံးသပ်၍ စစ်ကျွန်ပြုထားသည့် ဥပဒေများကို ဖျက်သိမ်းပြီး ပြည်သူတို့၏ အကျိုးကို ရှေးရှုသော ဖွဲ့စည်းပုံ အခြေခံဥပဒေကို ပြည်သူများက အမြန်ဆုံး ပြဌာန်းကြရလိမ့်မည်။ စစ်အုပ်စုက ငမ်းငမ်းတက် အားထုတ်လျှက်ရှိသော ၂၀၁၀ ရွေးကောက်ပွဲကို မိုက်တွင်းနက်စွာဖြင့် ဇွတ်တိုးလုပ်လာမည် ဆိုပါက ထို၂၀၁၀ ရွေးကောက်ပွဲ၏ မဲရုံများကို ပြည်သူတို့၏ သပိတ်စခန်းများ အဖြစ် ပြောင်းလဲပစ်ဖို့ အသင့်ပြင်ဆင် ထားကြရန် လိုအပ်နေပြီဖြစ်သည်။
.pdf.jpg)
No comments:
Post a Comment