မြေသြဇာအဖွဲ့၏ အရေးပေါ်ထုတ်ပြန်ကြေငြာချက်

JAC ,CAC တို့မှ ပေးပို့သော ဒေါ်အောင်ဆန်းစုကြည် ၆၄နှစ်ပြည့် မွေးနေ့ သဝဏ်လွှာ

၂၀၀၉ စုစည်းလှုပ်ရှားမှုကော်မတီမှ
ဒေါ်အောင်ဆန်းစုကြည်၏ ၆၄နှစ်မြောက်မွေးနေ့ အမှတ်တရ
ထုတ်ဝေသော မှန်တရားဂျာနယ် အတွဲ၁ အမှတ်၎
(အီးမေးမှကြည့်သူများဤနေရာတွင်နှိပ်ပါ)

CAC Volume 1 No4 Reading File

ကရင်လူမျိုးစုများအပေါ် နအဖမှ ထိုးစစ်ဆင်တိုက်ခိုက်နေခြင်းအပေါ် စုပေါင်း ထုတ်ပြန်ကြေငြာချက်

Statement Regarding Karen Refugee Crisis (International-Public Release)

Publish at Scribd or explore others:

Statement Regarding Karen Refugee Crisis (Public Release)

Publish at Scribd or explore others: Burma

JAC မှ ဒေါက်တာလွဏ်းဆွေသို့ ပေးစာ

ဒေါက်တာလွဏ်းဆွေခင်ဗျား ...

ကျနော်တို့ JAC ရဲ့ ဆန္ဒပြမှုသတင်းတွေကို ကိုယ်တိုင်လာရောက်သတင်းယူ အချိန်နဲ့တပြေးညီ သတင်းတင်ပြ ပေးတဲ့အတွက် အထူးကျေးဇူးတင်ကြောင်း ပထမပြောချင်ပါတယ်။ နောက်နောင်လည်း ဆက်လက်ဖေါ်ထုတ် တင်ပြပေးပါလို့ ပြောပါရစေ။

အခုအဓိက ပြောပြလိုတာက ကျနော်တို့ JAC အနေနဲ့ အဖွဲ့အစည်းပေါင်းစုံနဲ့ ပူးပေါင်းပြီး တူညီတဲ့လုပ်ဆောင် မှုတွေလုပ်ဖို့ အမြဲဆန္ဒရှိသလို ဖြစ်နိုင်သမျှလည်း တင်ပြအကြောင်းကြားပါတယ်။ ဒါပေမယ့် JAC အနေနဲ့ C BOX တွေထဲမှာ အကောင်းသတင်းပဲဖြစ်ဖြစ် အဆိုးသတင်းကိုပဲဖြစ်ဖြစ်၊ ဝေဖန်တာပဲဖြစ်ဖြစ် ချီးကျူးတာပဲဖြစ် ဖြစ် ရေးသားခြင်းမျိုး မလုပ်ပါဘူးဆ်ိုတာကို ပြောပြချင်တာပါ။

ဒီနေ့ ဒေါက်တာ့ C BOX ထဲမှာ JAC နာမည်နဲ့ ဝင်ရေးသားသူဟာ အကောင်းမြင်တဲ့ ရှုထောင့်က ဝင်ရောက် ရေးသားတာ မှန်ပေမယ့် နောက်နောင်မှာ အခြားသူတွေကလည်း JAC နာမည်ကို အသုံးပြုပြီး ရေးချင်သလို ရေးလာနိုင်တဲ့အတွက် ကြိုတင်အသိပေး အကြောင်းကြားထားတာ ဖြစ်ပါတယ်။

တဆက်တည်းတင်ပြလိုတာက ပြည်သူ့လွှတ်တော်ကိုယ်စားလှယ် ဦးခွန်မြင့်ထွန်းဟာ ဒီနေ့မှ ရောက်လာတာ မဟုတ်ဘဲ ကျနော်တို့ JAC စတင်ဖွဲ့စည်းဖို့ ပြင်ဆင်ကတည်းကစလို့ ယခုအထိ အကြံဉာဏ်ကောင်းများစွာ ပေး ခဲ့သူ၊ အကူအညီပေးခဲ့သူ ဖြစ်သလို ကိုမိုးကြိုးဟာလည်း ကျနော်တို့ရဲ့ဆန္ဒပြပွဲတိုင်းမှာ လိုအပ်တာတွေကို အမြဲ လို ကူညီခဲ့ပါတယ်။ ဒေါက်တာနိုင်အောင်ကလည်း ကျနော်တို့ရဲ့ ဒေါ်အောင်ဆန်းစုကြည်လွတ်မြောက်ရေး အ ထူးဆုတောင်းပွဲမှာ ကတည်းက လာရောက်ဆုတောင်းစကားတွေ ပြောပေးခဲ့သလို ယခုအချိန်အထိလည်း လို အပ်သလို ဝိုင်းဝန်းကူညီ အကြံဉာဏ်ပေးခဲ့ပါတယ်။ ရောင်ခြည်ဦးအလုပ်သမားအဖွဲ့ကလည်း ဒီနေ့မှာ လူအင် အားနဲ့ ဝိုင်းဝန်းကူညီခဲ့တာကို မှတ်တမ်းတင်လိုပါတယ်။ အခြားအဖွဲ့အစည်းက ခေါင်းဆောင်များကိုလည်း လိုအပ်သလို ဝိုင်းဝန်းအကြံပေးဖို့ JAC က ဖိတ်ခေါ်ပါတယ်။

JAC ရဲ့ သတင်းတွေ၊ ထုတ်ပြန်ချက်တွေကို လက်ရှိဖေါ်ပြနေတဲ့ http://cacburma.blogspot.com မှာပဲ အမြဲ ဖေါ်ပြသွားမှာဖြစ်သလို JAC ရဲ့ သတင်းပေးပို့ချက်တွေကိုလည်း cacburma@gmail.com နဲ့ cacburma1@ gmail.com တို့ကသာ ထုတ်ပြန်ပေးသွားမှာဖြစ်ကြောင်း လေးစားစွာ အသိပေးအပ်ပါတယ်။

ခင်မင်ရင်းနှီးစွာဖြင့် ...

1.Aung Khine
2.Htet Aung
3.Nai Oausai
4.Saw Moshew
5.Aung Kyaw Naing

Leading Group
Joint Action Committee

မဲဆောက် ချစ်ကြည်ရေး တံတားတွင် ဒေါ်အောင်ဆန်းစုကြည် လွတ်မြောက်ရေး အတွက် ဒုတိယအကြိမ် ဆန္ဒပြပွဲ ပြုလုပ်

ဓာတ်ပုံသတင်း - ကိုလတ် (၇-၆-၀၉၊ မွန်းတည့် ၁၂ နာရီ)

အပြည့်အစုံသို့...

ပြန်ခေါက်ထားပါ...

(ဒုတိယ ဆလိုက်ရှိုးကို ဒေါက်တာလွဏ်းဆွေ ဘလော့မှ ကူးယူဖေါ်ပြပါသည်)

ဒေါ်အောင်ဆန်းစုကြည် လွတ်မြောက်ရေး ဆုတောင်းပွဲတွင် ထုတ်ပြန်ခဲ့သော JAC ၏ မေတ္တာရပ်ခံတိုက်တွန်းနှိုးဆော်ချက်

Joint Action Committee
3 June 2009

The last step of the SPDC’s road map to democracy is to hold a new election in 2010. The Burmese democracy leader, Daw Aung San Suu Kyi, is the only person, from the point of view from SPDC, who can alter the course of these bogus elections. To prevent this, even before the antics of John Yattaw, they had built a new cell for her in Insein Prison. The show trial is nothing more than an attempt at legitimizing the forcible sidelining of her in the forthcoming elections.
Burmese activists and ex-political prisoners, in exile in Thailand, have formed the Joint Action Committee (JAC), to coordinate local protests about the trial and the behavior of the Junta. This group, made up of a number of Burmese organizations, has already led two demonstrations, one underneath the Friendship Bridge linking Thailand with Burma and another outside the UNHCR office.
The JAC believes that the only a coordinated response to the trial and strong action by groups of organizations will be effective against the State Peace and Development Council (SPDC). Waiting for the result of an unjust trial is not an option.
Through working together and continuing to raise this issue in every forum ASEAN, the International Criminal Court and the UN Security Council (UNSC) can be persuaded to take action. Moreover, the veto powers of China and Russia in the Security Council need to be overcome and this will only come through continued pressure.
The JAC thanks the local and international groups who are working for democracy and human rights in Burma and requests that they continue to join and give support for us against this injustice by worldwide peaceful protests. The JAC will continue to highlight the issue in every way that it can.
Daw Aung San Suu Kyi has suffered and sacrificed a substantial part of her life for the Burmese people and the JAC believes that she in turn should be supported through action as she faces an unjust trial.

For more information
Please contact ;
Aung Khine (0800293350)
Htet Aung (08752470354)
Behalf of Leading Group
Joint Action Committee (Mae Sot)

ဒေါ်အောင်ဆန်းစုကြည် လွတ်မြောက်ရေး
လှုပ်ရှားမှုအတွက် မေတ္တာရပ်ခံတိုက်တွန်းချက်

နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို တရားစွဲဆို ထောင်ချရန် ကြိုးပမ်းနေသော လုပ်ရပ်သည် စစ်အုပ်စု၏ အလုံးစုံ စစ်ကျွန်ပြုရေး ROAD MAP ခုနှစ်ချက်မှ အဆင့်တဆင့်ဖြစ်သည့် ၂၀၁၀ အတုအယောင် ရွေးကောက်ပွဲတွင် သူတို့အလိုကျ ခြယ်လှယ်နိုင်စေရေးအတွက် ကျွန်ုပ်တို့၏ ဒီမိုကရေစီ ခေါင်းဆောင်ကို ထောင်သွင်းအကျဉ်းချ ချုပ်ကိုင်ထားရန် ကြိုးပမ်းနေသော လုပ်ရပ်တခုသာဖြစ်သည်။ ဝီလျှံယက်တော ကိစ္စ မပေါ်ပေါက်မီ အချိန် အတော်ကြာ ကတည်းက ဒေါ်အောင်ဆန်းစုကြည်ကို ထားရှိရန် အဆောက်အဦးတခုကို အင်းစိန်ထောင်ထဲတွင် ကြိုတင် တည်ဆောက်ထားခဲ့ခြင်းကို ကြည့်လျှင် ထင်ရှားစွာ သိနိုင်ပါသည်။
ထိုမတရားလုပ်ရပ်၏ အဖြေသည်မည်သို့ပင် ဖြစ်စေကာမူု ပြည်တွင်းပြည်ပရှိ ဒီမိုကရေစီ အင်အားစုများ၏ စုစည်းညီညွတ်သော လှုပ်ရှားမှုများဖြင့် ထိရောက်စွာ တုံ့ပြန်ခြင်းသည်သာ အမှန်ကန်ဆုံးလုပ်ရပ် ဖြစ်သည်ဟု ကျွန်ုပ်တို့ JAC မှ အလေးအနက် ယုံကြည်ပါသည်။
နိုင်ငံတကာ ဥပဒေ အသိုင်းအဝိုင်းများနှင့် ဆက်စပ်၍ စစ်အာဏာရှင်များကို နိုင်ငံတကာ ခုံရုံးတင် တရားစွဲဆိုရန် ဆောင်ရွက်ချက်များကို ပိုမိုခွန်အားစိုက် အကောင်အထည်ဖေါ်ခြင်းမျိုး၊ ကုလသမဂ္ဂ လုံခြုံရေးကောင်စီမှ အရေးယူဆောင်ရွက်နိုင်မည့် အခြေအနေနှင့် နည်းလမ်းများကို နိုင်ငံတကာအသိုင်းအဝိုင်းများနှင့် ပူးပေါင်း၍ အဖြေရှာနိုင်ရန် ဖိတ်ခေါ်မှု၊ စည်းရုံးလှုပ်ရှားမှုများ ဆောင်ရွက်ခြင်းမျိုးများသာမက ငြိမ်းချမ်းစွာ ဆန္ဒပြမှု၏ အဆင့်ဆင့်တွင် မိမိတို့ အတိုက်အခံ အဖွဲ့အစည်းများသာမက နိုင်ငံအသီးသီးမှ စာနာစိတ်ပါ ဝင်စားသူများ ပါဝင်လာနိုင်ရန် စည်းရုံးဆောင်ရွက်ကြခြင်းမျိုး၊ ဘာသာအသီးသီးအလိုက် ကျယ်ကျယ်ပြန့်ပြန့် ဝတ်ပြုဆုတောင်း ကြရန် နှိုးဆော်ဆောင်ရွက်ကြခြင်းများအပြင် အတိုက်အခံအဖွဲ့များ စုစည်း၍ အင်အားကြီးမားသော လှုပ်ရှား ဆောင်ရွက် တိုက်ပွဲဝင်မှုများမှုများ ဖြစ်ပေါ်လာစေရန် စုစည်းဆောင်ရွက်ကြခြင်းမျိုး၊ တရုတ်အစိုးရနှင့် ရုရှားအစိုးရ တို့ကို မြန်မာပြည်သူများ အပေါ် စာနာနားလည်၍ ပူးပေါင်းဆောင်ရွက်လာကြစေရန် ဝိုင်းဝန်း မေတ္တာရပ်ခံ တောင်းဆိုကြခြင်းမျိုး၊ နိုင်ငံတကာ အသိုင်းအဝိုင်း အသီးသီးကို စစ်အုပ်စုအား ဝေဖန် ရှုံချ နေသည် ထက် အရေးယူ ဆောင်ရွက်မှုများပြုလုပ်ကြခြင်းသည်သာ ပြောင်းလဲမှုကို ဖြစ်စေနိုင်မည်ကို ရှင်းလင်း တင်ပြကြ ခြင်းမျိုး စသည်တို့ကို တကမ္ဘာလုံး အတိုင်းအတာဖြင့် ထိရောက်သော လှုပ်ရှားမှုများပိုမို၍ အရှိန်မြှင့် လုပ်ဆောင်ကြရန် ကျွန်ုပ်တို့ JAC မှ တိုက်တွန်းလိုပါသည်။
ပြည်တွင်းလူထုတိုက်ပွဲသည် စစ်အုပ်စု၏ လက်ရှိ တရားမဲ့ ဆောင်ရွက်နေမှုများကို ပြောင်းလဲရန်နှင့် ဒီမိုကရေစီ ပြုပြင် ပြောင်းလဲရေးအတွက် လိုအပ်ချက် တခုဖြစ်သည်ဟု ယုံကြည်ကြပါလျှင် မိမိတို့ကိုယ်တိုင် လူထုရှေ့မှ စံပြနမူနာအဖြစ် ဦးဆောင်ဦးရွက်ပြု တိုက်ပွဲဝင်ပြကြခြင်းသည်သာ မှန်ကန်သော၊ လက်တွေ့ကျသော ဦးဆောင် လှုံ့ဆော်စည်းရုံးမှု ဖြစ်ပါကြောင်း လေးစားစွာဖြင့် မေတ္တာရပ်ခံ အကြံပြုတင်ပြ အပ်ပါသည်။

JAC(Mae Sot) မှ ဦးဆောင်၍ မဲဆောက် Love God Church တွင် ခရစ်ယာန် ဘာသာဝင်များနှင့် ဗုဒ္ဓဘာသာဝင်များ အထူးဆုတောင်းပွဲပြုလုပ်

ထိုင်းမြန်မာနယ်စပ် မဲဆောက်မြို့ရှိ Love God Church တွင် ခရစ်ယာန် ဘာသာဝင်များနှင့် ဗုဒ္ဓဘာသာများ ပူးပေါင်း၍ ဒေါ်အောင်ဆန်းစုကြည် လွတ်မြောက်ရေးအတွက် အထူး ဆုတောင်းပွဲတခုကို ယနေ့ညနေ ၆နာရီ ၃၀ က ကျင်းပပြုလုပ်ခဲ့ပါသည်။
ထိုအခမ်းအနားသို့ ခရစ်ယာန်နှင့် ဗုဒ္ဓဘာသာဝင်များ ၊တိုင်းရင်သား လူမျိုးစု အဖွဲ့များ၊ စိတ်ပါ ဝင်စားသူ မြန်မာရွှေ့ပြောင်းနေထိုင်သူများ တက်ရောက်ကြပါသည်။
အခမ်းအနား၏ အစီအစဉ်ကြီးကြပ်သူ အဖြစ် JAC ၏ ဦးဆောင်ကော်မတီဝင် တဦးဖြစ်သူ ခရစ်ယာန်ဘာသာဝင် စောမွန်ရှီးမှ ဆောင်ရွက်ပြီး တက်ရောက်လာကြသော ဧည့်သည်တော်များထဲမှ NCGUB ဝန်ကြီး အဖွဲ့ဝင် ပြည်သူ့လွတ်တော် ကိုယ်စားလှယ် ဦးခွန်မြင့်ထွန်း၊ FDB မှ ဒေါက်တာနိုင်အောင်တို့မှ ဆုတောင်းဆန္ဒပြု စကားများ ပြောကြားခဲ့ကြပါသည်။
ထို့နောက် ဆုတောင်းမှု အစီအစဉ်ကို စတင်ရာတွင် Love God Church မှ ဆရာမ ဒေါ်မိမိခိုင်မှ ခရစ်ယာန် ထုံးစံ ဆုတောင်းမှုပြုလုပ်ခဲ့ပြီး၊ မြန်မာဗုဒ္ဓဘာသာ ထုံးစံ မေတ္တာသုတ် ရွတ်ဖတ်ခြင်း နှင့် မေတ္တာပို့သခြင်းကို ဆရာတော် ဦးဥာဏသီဟမှ ဆောင်ရွက်ခဲ့ပါသည်။ JAC ၏ ဦးဆောင် ကော်မတီဝင် တဦးဖြစ်သူ နိုင်ငံရေး အကျဉ်းသားဟောင်း ကိုအောင်ခိုင်မှ JAC ၏ မေတ္တာရပ်ခံ တိုက်တွန်းနှိုးဆော်ချက်ကို ဖတ်ကြားခဲ့ပါသည်။
နိဂုံးချုပ် အနေဖြင့် အခမ်းအနားတက်ရောက်လာသူ ခရစ်ယာန် ဘာသာဝင် ဒေါက်တာ ဘသိန်းဝင်းမှ နိဂုံးချုပ် ဆုတောင်းစကားကို ပြောကြား၍ အခမ်းအနားကို အောင်မြင်စွာ ရုတ်သိမ်းခဲ့ပါသည်။
ထူးခြားချက်တခုအနေဖြင့် ထိုဆုတောင်းပွဲ၏ ခရစ်ယာန်ဘာသာ ထုံးစံ ဖယောင်းတိုင်များ ထွန်းညှိ ဆုတောင်း နေစဉ်တွင် အနီးအနားရှိ ရွှေ့ပြောင်း အလုပ်သမားများ အချို့က ကိုယ်တိုင် ဖယာင်းတိုင်များ ထွန်းညှိ ပါဝင်ခဲ့ကြသလို အချို့ကလည်း မိမိတို့ အိမ်ရှေ့ ဝရံတာများတွင် ဖယောင်းတိုင်များကို စီတန်းထွန်းညှိ ထားကြခြင်းကို ထူးခြားစွာ တွေ့မြင်ခဲ့ရပါသည်။

ခေတ်ပြိုင်အယ်ဒီတာ့ အာဘော်

NEJ / ၂၉ မေ ၂၀၀၉

မေလ (၂၇) ရက်နေ့သည် ၁၉၉၀ ပြည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပပြုလုပ်ခဲ့သည့် (၁၉) နှစ် မြောက်နေ့ဖြစ်၏။ ထိုစဉ်က ရွေးကောက်ပွဲ ဦးစီးကျင်းပပေးခဲ့သည့် အာဏာသိမ်းစစ်အုပ်စုသာ စစ်သားများပီပီ ရိုးသားဖြောင့်မတ်တည်ကြည်ပြီး ပေးထားသည့် ကတိက၀တ်အတိုင်း ဆောင်ရွက်ပေးခဲ့ မည်ဆိုလျှင် ရွေးကောက်ပွဲ အနိုင်ရသည့် (၁၉) နှစ်မြောက် အချိန်အခါသည် မြန်မာနိုင်ငံသူနိုင်ငံသားအပေါင်း ဒီမိုကရေစီစနစ်၏ အသီးအပွင့် ကောင်းများကို ဆွတ်ယူစားသုံးခွင့်ရရှိ်သည့် မင်္ဂလာအခါသမယ ဖြစ်နေလောက်ပြီဟု မှန်းဆကြည့်မိပေသည်။

သို့သော် အာဏာသိမ်း န၀တစစ်အုပ်စုဝင်များက သူတို့၏ ခေါင်းဆောင် ဗိုလ်ချုပ်မှူးကြီး စောမောင် ကိုယ်တိုင် တိုင်းသိပြည်သိ၊ ကမ္ဘာသိပေးထားသည့် “ရွေးကောက်ပွဲပြီးလျှင် အနိုင်ရပါတီကို အာဏာလွှဲပြီး စစ်တန်းလျားပြန်မည်” ဟူသော ကတိက၀တ်ကို ဖောက်ဖျက်ကာ ဗိုလ်ချုပ်မှူးကြီး စောမောင်ကို ရာထူးမှ ဖယ်ရှားခဲ့သည်။ ရွေးကောက်ပွဲ အနိုင်ရပါတီဖြစ်သည့် အမျိုးသားဒီမိုကရေစီအဖွဲ့ချုပ်ကို နည်းမျိုးစုံဖြင့် ဖြိုခွဲပြီး ခေါင်းဆောင်များကို ဖမ်းဆီးထိန်းသိမ်း ခဲ့သည်။ မြို့တိုင်း၊ နယ်တိုင်းရှိ အန်အယ်လ်ဒီပါတီရုံးများကို စည်းရုံးလှုပ်ရှားခွင့် မပေးတော့ဘဲ အတင်းအဓမ္မ ပိတ်ပစ်ခဲ့ သည်။

ထို့နောက် အာဏာသိမ်းစစ်အုပ်စု၏ အမည်ကို ‘န၀တ’မှ ‘နအဖ’ သို့ ပြောင်းလဲပြီး လက်နက်အားကိုးဖြင့် တိုင်းပြည်ကို ဆက်လက်ဖိနှိပ်အုပ်ချုပ်ခဲ့သည်။ ၁၉၉၃ ခုနှစ်မှစတင်၍ ပြည်သူလူထု ရွေးချယ်တင်မြှောက်ထားသည့် ကိုယ်စားလှယ် များမပါဝင်ဘဲ နအဖစစ်အုပ်စုမှ စိတ်ကြိုက်ရွေးချယ်ထားသည့် ကိုယ်စားလှယ်များနှင့် အမျိုးသားညီလာခံကို အချိန်ဆွဲ ကျင်းပခဲ့သည်။ ၂၀၀၃ ခုနှစ် မေလ (၃၀) ရက်နေ့တွင် နအဖစစ်ခေါင်းဆောင် ဗိုလ်ချုပ်မှူးကြီး သန်းရွှေ၏ တိုက်ရိုက် အမိန့်ပေး စေခိုင်းမှုဖြင့် ဒီပဲယင်းအရေးအခင်းကို ဖန်တီးပြီး နယ်များသို့ လှည့်လည်စည်းရုံးရေးဆင်းနေသည့် ဒေါ်အောင်ဆန်းစုကြည်နှင့် ဦးတင်ဦးတို့ကို လုပ်ကြံရန် ကြိုးစားခဲ့သည်။

ကံကောင်းထောက်မ၍ သေကံမရောက် အသက်မပျောက်ခဲ့သည့် လူထုခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် ဒု-ဥက္ကဋ္ဌ ဦးတင်ဦးတို့အား နိုင်ငံတော်ကို နှောင့်ယှက်ဖျက်ဆီးလိုသူများ၏ ရန်မှ ကာကွယ်ရန်ဟူသော ဥပဒေပုဒ်မဖြင့် နေအိမ်အကျယ်ချုပ် ချထားခဲ့သည်မှာ ယခုထိတိုင်ဖြစ်၏။ လောင်စာဆီဈေးနှုန် မြင့်တက်မှု ပြဿနာမှစတင်ကာ ဖြစ်ပေါ်ခဲ့သည့် ၂၀၀၇ ခုနှစ် စက်တင်ဘာရွှေဝါရောင်သံဃာ့ တော်လှန်ရေးတွင်လည်း သံဃာများ၊ ကျောင်းသား ပြည်သူများကို ရက်ရက်စက်စက် သတ်ဖြတ်နှိမ်နင်းခဲ့သည်။

ထို့အပြင် ၂၀၀၇ ခုနှစ် မေလ (၂) ရက်နေ့တွင် တိုက်ခတ်ခဲ့သည့် နာဂစ်ဆိုင်ကလုန်းမုန်တိုင်းဒဏ်ကြောင့် မြန်ဝကျွန်း ပေါ်၊ ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်မှ ပြည်သူများ ဒုက္ခအကြီးအကျယ် ကျရောက်နေချိန်တွင် မုန်တိုင်းဒုက္ခသည်များ ကူညီကယ်ဆယ်ရေးကို လျစ်လျူရှု မျက်ကွယ်ပြုပြီး လူထုကို ကိုယ်စားမပြုသည့် ၂၀၀၈ ခုနှစ် ညောင်နှစ်ပင်ဖွဲ့စည်းပုံအခြေခံဥပဒေကို လိမ်လည်အတည်ပြုခဲ့သည်။

နယ်စပ်ဒေသရှိ တိုင်းရင်းသားလက်နက်ကိုင်အဖွဲ့များ တည်ရှိရာ လူမျိုးစုဒေသများတွင်လည်း နအဖစစ်တပ်မှ ဒေသခံတိုင်းရင်းသားများအား အဓမ္မပြုကျင့်မှု၊ လူမျိုးတုံးသတ်ဖြတ်မှုများ အကြိမ်ကြိမ် ကျူးလွန်ခဲ့၊ ကျူးလွန်နေဆဲဖြစ်၏။

နအဖစစ်အုပ်စုအနေဖြင့် အာဏာသိမ်းအုပ်ချုပ်ခဲ့သည့် နှစ်ပေါင်း (၂၀) အတွင်း ထိုသို့ လူမဆန်သည့် ရာဇ၀တ်မှုပေါင်း မြောက်မြားစွာကို ကျူးလွန်ခဲ့ရုံမက ၂၀၀၉ ခုနှစ် မေလ (၁၄) ရက်နေ့တွင် နေအိမ်အတွင်း အမေရိကန်လူမျိုးတဦးကို လက်ခံတွေ့ဆုံသည်ဟူသော မတရားစွပ်စွဲမှုဖြင့် လူထုခေါင်းဆောင် ဒေါ်အောင်ဆန်းစုကြည်ကို အင်းစိန်ထောင်သို့ ဖမ်းဆီးခေါ်ဆောင်ကာ ရုံးတင်စစ်ဆေးနေ၏။ နေအိမ်အကျယ်ချုပ် လွတ်ရက်စေ့သည့်တိုင် လူထုခေါင်းဆောင်ကို ထပ်မံထောင်သွင်းအကျဉ်းချရန် အကောက်ကြံနေ၏။

ထိုသို့ ဒေါ်အောင်ဆန်းစုကြည်ကို မတရားဖမ်းဆီး အမှုစီရင်သည့်အပေါ် မြန်မာပြည်သူများ အထူးစိတ်ဆိုးဒေါသ ထွက်ကြသကဲ့သို့ ကုလသမဂ္ဂ၊ အာဆီယံအပါအ၀င် ကမ္ဘာ့နိုင်ငံအသီးသီးမှ ခေါင်းဆောင်များ၊ ပြည်သူများကလည်း ဒေါ်အောင်ဆန်းစုကြည်ကို ခြွင်းချက်မရှိ ချက်ချင်းလွှတ်ပေးရန် တောင်းဆိုခဲ့ကြ၏။ သို့သော် နအဖစစ်ခေါင်းများက ပြည်တွင်းပြည်ပဖိအားပေါင်းစုံကို ဂရုမစိုက် အလေးမထားဘဲ ဒေါ်အောင်ဆန်းစုကြည်အား ဆက်လက်ရုံးတင် စစ်ဆေးနေ၏။

ဤအတောအတွင်း အရှေ့တီမောသမ္မတ ရာမို့စ်ဟော်တာက ဒေါ်အောင်ဆန်းစုကြည်အပေါ် မတရားစွဲချက်တင် စီရင်နေသည့် နအဖစစ်အုပ်စုကို နိုင်ငံတကာစစ်ခုံရုံးသို့ ပို့ဆောင်ရန် တောင်းဆိုသကဲ့သို့ ဗြိတိန်ပါလီမန်အမတ်များက လည်း စစ်ခေါင်းဆောင်များကို နိုင်ငံတကာတရားရုံးသို့ တင်သင့်ကြောင်း ထောက်ခံပြောဆိုလာ၏။ မြန်မာနိုင်ငံရှေ့နေ များကောင်စီမှလည်း စစ်အုပ်စုအား နိုင်ငံတကာရာဇ၀တ် ခုံရုံးတွင် တရားစွဲဆိုနိုင်ရန် စနစ်တကျ ပြင်ဆင်လေ့လာမှုများ ပြုလုပ်နေကြောင်း ကြားသိရ၏။ အနှစ်နှစ်ဆယ်အတွင်း နအဖစစ်အုပ်စု ကျူးလွန်ခဲ့သည့် စစ်ရာဇ၀တ်မှုများ(War Crimes)၊ လူသားဖြစ်မှုကို ဆန့်ကျင်သည့် ရာဇ၀တ်မှုကျူးလွန်ထားသည်များ (Crimes against Humanity) ကို အတိုက်အခံ အင်အားစုများက စနစ်တကျ လေ့လာဖော်ထုတ်၍ နိုင်ငံတကာရာဇ၀တ်ခုံရုံးသို့ တင်မည်ဆိုလျှင် ဖြစ်နိုင်ခြေရှိသည်ဟု ယူဆမိပေသည်။

နအဖစစ်ခေါင်းဆောင်များအနေဖြင့် ထိုသို့ နိုင်ငံတကာတရားရုံးတွင် ရုံးတင်စစ်ဆေး အပြစ်ပေးခံရသည့် အခြေအနေဆိုး နှင့် မကြုံတွေ့လိုလျှင်သော်လည်းကောင်း၊ ဒေါ်အောင်ဆန်းစုကြည်ကို အားပေးထောက်ခံသည့် မြန်မာပြည်သူလူထုကြီး ၏ အုံကြွပေါက်ကွဲမှုနှင့် မရင်ဆိုင်လိုလျှင်သော်လည်းကောင်း၊ အမိမြန်မာပြည်ကို ငရဲတွင်းထဲမှ ဆွဲထုတ်လိုလျှင်သော် လည်းကောင်း၊ ရုံးတင်စစ်ဆေးနေသည့် ဒေါ်အောင်ဆန်းစုကြည် အပါအ၀င် မတရားဖမ်းဆီး အကျဉ်းချထားသည့် နိုင်ငံရေးသမားအားလုံးကို ခြွင်းချက်မရှိ ချက်ချင်းလွှတ်ပြီး အမျိုးသားပြန်လည်သင့်မြတ်ရေးလုပ်ငန်းစဉ်များ အကောင် အထည်ဖော်ရန် ဒေါ်အောင်ဆန်းစုကြည် ဦးဆောင်သည့် အတိုက်အခံအင်အားစုများနှင့် အမြန်ဆုံးတွေ့ဆုံဆွေးနွေးဖို့ ခေတ်ပြိုင်က တိုက်တွန်းရေးသားလိုက်ရပေ၏။