သဘောထား ထုတ်ပြန်ကြေငြာချက်

၂၀၀၉ နိုင်ငံရေး အပြောင်းအလဲများနှင့်

၂၀၀၉ စုစည်းလှုပ်ရှားမှု ကော်မတီ၏ သဘောထား

နေ့စွဲ- ရ-၅-၂၀၀၉

စာအမှတ် -စကလ/လစဖ/၀၆/၀၉

၂၀၀၉စုစည်းလှုပ်ရှားမှုကော်မတီ ပေါ်ပေါက်လာရခြင်း

တကမ္ဘာလုံး တုန်လှုပ်သွားစေသည့် သံဃာတော်များ ဦးဆောင်သော ၂၀၀၇ စက်တင်ဘာ ရွှေဝါရောင် တော်လှန်ရေးကြီး၏ နောက်ပိုင်းတွင် နိုင်ငံရေးအရ ဆက်လက်လှုံဆော် ဦးဆောင်မှုများ အားနည်းခဲ့ခြင်း၊ ၂၀၀၈ ခုနှစ်မေလတွင် ဖြစ်ပွားခဲ့သော နာဂစ်ဆိုင်ကလုန်း မုန်တိုင်းကြောင့် နစ်နာဆုံးရှုံးခဲ့ရသော ပြည်သူများအရေးကို နအဖမှ လျှစ်လျှူရှု၍ နိုင်ငံတကာ အကူအညီများကို တွင်တွင် ငြင်းဆန်နေချိန်၊ ပြည်ပနိုင်ငံများမှ ဒုက္ခသည်များ အရေးအတွက် တင်းတင်းမာမာ တောင်းဆိုနေသည့် အချိန်တွင် ပြည်ပရှိ ဒီမိုကရေစီ အတိုက်အခံများမှ အတိဒုက္ခရောက်နေသော ပြည်သူများအတွက် ထိရောက် ဆီလျှော်သော အရေးဆို လှုပ်ရှားမှုများကို အချိန်အခါနှင့် လျှော်ညီစွာ မပြုလုပ်နိုင်ပဲ ဖြစ်ခဲ့ရခြင်း စသော အခြေအနေများကို ပြန်လည်သုံးသပ်ကြည့်လျှင် ထင်ရှားစွာ တွေ့ရမည် ဖြစ်ပါသည်။

အထူးအရေးကြီးသော အချက်မှာ ပြည်သူလူထုတရပ်လုံးကို နောက်ထပ် နှစ်ပေါင်းများစွာ စစ်ကျွန်ပြုမည့် နာဂစ်အခြေခံ ဥပဒေကို မဲလိမ်ပြီး အတည်ပြုသည့် ကိစ္စမှစ၍ လာမည့် ၂၀၁၀တွင် ထိုစစ်ကျွန် အခြေခံဥပဒေကို အခြေခံ၍ ရွေးကောက်ပွဲ ကျင်းပမည်ဟု ကြေငြာသည့် အချက်အပေါ် ပြည်သူလူထုများအား ရှင်းလင်းစွာ အသိပေးမှု၊ ထိရောက်သော တုန့်ပြန်ဆောင်ရွက်မှုများ ထွက်ပေါ်မလာသည့် အချက်များအပေါ် မူတည်၍ နိုင်ငံရေး လိုအပ်ချက်အရ ၂၀၀၉ စုစည်းလှုပ်ရှားမှုကော်မတီကို တသီးပုဂ္ဂလ ဒီမိုကရေစီအရေး လှုပ်ရှားနေသူများ၊ နိုင်ငံရေး အကျဉ်းသားဟောင်းများ၊ ၈၈မျိုးဆက် ကျောင်းသားဟောင်းများ၊ သံဃာတော်များ၊ ပြည်ပနိုင်ငံ အသီးသီးရောက် ဒီမိုကရေစီ အရေး လှုပ်ရှားသူများ၊ ပြည်တွင်းရှိ တက်ကြွလှုပ်ရှားသူများ၏ တူညီသော သဘောဆန္ဒ များဖြင့် ကြေငြာချက်အမှတ် ၁/၂၀၀၉ ဖြင့် ခိုင်မာစွာ ဖွဲ့စည်းခဲ့ခြင်း ဖြစ်ပါသည်။

ရည်မှန်းချက်နှင့် လုပ်ငန်းစဉ်များ

၂၀၀၉ စုစည်းလှုပ်ရှားမှုကော်မတီ၏ အဓိက ရည်မှန်းချက်မှာ ထိုအလိမ်အညာ ဖွဲ့စည်းပုံကို ခုတုံးလုပ်ကာ ပြည်သူလူထုကို စစ်ကျွန်ပြုမည့် ၂၀၁၀ အတုအယောင် ရွေးကောက်ပွဲကို မည်သည့် နည်းဖြင့်မဆို တိုက်ဖျက်တားဆီး သွားရန် ဖြစ်ပါသည်။

ထိုအတွက် လုပ်ဆောင်နိုင်သမျှ နည်းလမ်းများကို ချမှတ်ထားပြီး ဖြစ်သလို မည်သည့် အချက်များကြောင့် ထို ၂၀၁၀ ရွေးကောက်ပွဲကို လက်မခံနိုင်ရသည် ဆိုသည်ကိုလဲ ၂၀၀၉ စုစည်းလှုပ်ရှားမှု ကော်မတီမှ ရှေ့ပိုင်း ထုတ်ပြန်ချက်များတွင် ရှင်းလင်းစွာ ထုတ်ပြန်ခဲ့ပြီး ဖြစ်ပါသည်။

NLD ၏ရွှေဂုံတိုင် ကြေငြာစာတမ်းအပေါ် CAC ၏အမြင်

၁၉၉၀ခုနှစ် ရွေးကောက်ပွဲတွင် ပြည်သူလူထုများ၏ တခဲနက်မဲဆန္ဒများအရ အပြတ် အသတ် တရားဝင် အနိုင်ရခဲ့သည့် အနိုင်ရပါတီ NLD က ယခုလ ၂၈၊ ၂၉ ရက်နေ့ များတွင် ကျင်းပပြုလုပ်ခဲ့သော စုံညီအစည်းအဝေးမှ ထုတ်ပြန်ခဲ့သော ရွှေဂုံတိုင် ကြေငြာစာတမ်း၏ တောင်းဆိုချက်များသည် ၂၀၀၉ စုစည်းလှုပ်ရှားမှု ကော်မတီက တင်ပြခဲ့ပြီးဖြစ်သော နအဖတို့ ဆောင်ရွက်နေသည့် တရားမျှတမှုမရှိသည့် အချက်များကို ထင်ရှားစွာ မီးမောင်း ထိုး ထုတ်ဖေါ်ပြသခဲ့ခြင်း ဖြစ်၍ ၂၀၀၉ စုစည်းလှုပ်ရှားမှုကော်မတီက အလေးအနက် ထောက်ခံ ကြိုဆိုပါကြောင်း ရှေးဦးစွာတင်ပြလိုပါသည်။

ထိုတောင်းဆိုချက်များသည် စစ်မှန်သော ဒီမိုကရေစီ ဖေါ်ဆောင်ရေး၊ ပြည်တွင်း ငြိမ်းချမ်းရေး၊ တန်းတူညီမျှသော ပြည်ထောင်စု မြန်မာနိုင်ငံတော်ကြီး ပေါ်ပေါက်လာနိုင် ရေးအတွက် မရှိမဖြစ် အခြေခံမူများ ဖြစ်သည်ဟုလည်း ၂၀၀၉ စုစည်းလှုပ်ရှားမှု ကော်မတီမှ အလေးအနက်ယုံကြည်ပါသည်။

သို့ဖြစ်ပါ၍ နအဖတို့ အနေဖြင့် လာမည့် ၂၀၁၀ ရွေးကောက်ပွဲကို ပြည်သူလူထုများ၊ အတိုက်အခံ အင်အားစုများ၊ နိုင်ငံတကာ အသိုင်းအဝိုင်းများမှ အသိအမှတ်ပြု လက်ခံ စေလိုလျှင် ပြည်သူလူထုက ၁၉၉၀ ရွေးကောက်ပွဲ ရလဒ်ဖြင့် ရွေးကောက်ထားသော လူထုကိုယ်စားပြုပါတီ NLD၏ စုံညီအစည်းအဝေးမှ တောင်းဆိုခဲ့သော အချက်အလက် များအပေါ် အလေးအနက် ထား၍ NLDနှင့် တွေ့ဆုံညှိနှုိုင်းရန်မှ အပ အခြားနည်းလမ်း မရှိကြောင်း အလေးအနက် ပြောလိုပါသည်။

အတိုက်အခံ အင်အားစုများသို့ ပန်ကြားချက်

အတိုက်အခံ ဒီမိုကရေစီ အင်အားစုများကို မေတ္တာရပ်ခံလိုသည်မှာ NLDသည် ပြည်သူ လူထု တရပ်လုံးက တခဲနက် မဲပေးထောက်ခံခဲ့သော အနိုင်ရပါတီ ဖြစ်သော်လည်း စစ်မှန်သော ပြည်ထောင်စု မြန်မာနိုင်ငံတော် တည်ဆောက်ရေး၊ ဒီမိုကရေစီပြုပြင် ပြောင်းလဲ ဖေါ်ဆောင်ရေး လုပ်ငန်းများတွင် NLD ပါတီ တခုတည်းတွင်သာ တာဝန်ရှိသည် မဟုတ်ပဲ အတိုက်အခံ အင်အားစုများအားလုံး၊ တိုင်းရင်းသား လူမျိုးစုများ အားလုံး မြန်မာနိုင်ငံသားများ အားလုံးတွင် တာဝန်ရှိသည်ဟု ၂၀၀၉ စုစည်းလှုပ်ရှားမှု ကော်မတီမှ တင်ပြလိုပါသည်။

ထိုသို့ တိုက်ပွဲဝင်ဆောင်ရွက်နေသည့် NLD ၏လှုပ်ရှားမှုများကို ဝိုင်းဝန်း ထောက်ခံကြရန် လိုအပ်သလို နအဖ စစ်အာဏာရှင်များမှ ထိုလမ်းကြောင်းကို လက်ခံလာစေရန် အတွက် ဘက်ပေါင်းစုံမှ ဆက်လက်ဖိအားပေး တိုက်ပွဲဝင်ရန် လိုအပ်ပါသည်။ ကမ္ဘာ့သမိုင်း မြန်မာ့သမိုင်းတို့တွင် မည်သည့် စစ်အာဏာရှင်မှ အခက်အခဲ အကြပ်အတည်းဖြင့် ရင်မဆိုင်ရပဲနှင့် မိမိတို့ ရရှိထားသော အာဏာကို အလွယ်တကူ လက်လျှော့ စွန့်လွှတ်သွားခဲ့ခြင်း မရှိသည်ကို ၂၀၀၉ စုစည်းလှုပ်ရှားမှုကော်မတီက ထောက်ပြ လိုပါသည်။

သို့ဖြစ်ပါ၍ မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေး အတွက် ဒေါ်အောင်ဆန်း စုကြည်၊ ဦးတင်ဦး၊ ကိုမင်းကိုနိုင်၊ ဦးဝင်းတင်၊ NLD ပါတီ(သို့) တိုင်းရင်းသား လူမျိုးစု အတိုက်အခံ အဖွဲ့အစည်း တခုခုတွင်သာ တာဝန်ရှိသည် မဟုတ်ပဲ ပြည်ထောင်စု မြန်မာနိုင်ငံသားအားလုံး၊ အတိုက်အခံ အဖွဲ့အစည်းများအားလုံး သာမက ဒီမိုကရေစီနှင့် လူ့အခွင့်အရေးကို လေးစား တန်ဘိုးထားကြသူ ကမ္ဘာ့လူ့အသိုင်းအဝိုင်းများ အားလုံး တွင်ပါ တာဝန်ရှိပါသည်။

အားလုံးမှ မိမိတို့ တာဝန်ရှိသည်ဟု ယုံကြည် ခံယူသည့်အတိုင်း မဆုတ်မနစ် ဆက်လက် ဆောင်ရွက်ပါမှ သန်း၅၀ကျော်သော မြန်မာပြည်သူလူထုများဘဝ အေးချမ်းသာယာမှု ရကြမည် ဖြစ်ပါသည်။

ထို့ကြောင့် နအဖတို့မှ NLD ၏ရွှေဂုံတိုင် ကြေငြာစာတမ်းပါ တောင်းဆိုချက်များကို လိုက်လျှော လက်ခံလာသည်အထိ ဆက်လက် ဖိအားပေး ဆောင်ရွက် ကြပါရန်နှင့် NLDပါတီ တခုတည်းအပေါ် ထိုတာဝန်များကို ပုံချမထားရန် တင်ပြလိုပါသည်။

မျိုးချစ် တပ်မတော်သားများသို့ ပန်ကြားချက်

တိုင်းပြည်ကို အမှန်တကယ်ချစ်၍ တပ်မတော်တွင်းကို ဝင်ရောက်လာခဲ့ကြသော တပ်မတော် အရာရှိ ကြီးငယ်များ၊ တပ်မတော်သားများကိုလည်း ၂၀၀၉ စုစည်း လှုပ်ရှားမှု ကော်မတီမှ ပြောကြားလိုသည်မှာ မြန်မာ့လွတ်လပ်ရေး ကြိုးပမ်းမှုများမှစ၍ ဖြစ်တည် လာခဲ့သော၊ သမိုင်းအစဉ်အလာ ကြီးမားခဲ့သော မြန်မာ့တပ်မတော်ကြီးကို အာဏာရှုး တစုကြောင့် အသရေ ညိုးနွမ်းကာ ရဟန်းရှင်လူ ပြည်သူလူထုတို့ကို သတ်ဖြတ်ဖိနှိပ်သော စစ်တပ်အဖြစ် မြန်မာပြည်သူလူထုနှင့် ကမ္ဘာ့အသိုင်းအဝိုင်း၏ တံ့တွေးခွက်တွင် ပက်လက် မြောနေရသော အဖြစ်မှ ကယ်တင်နိုင်သော၊ အသရေဆည်နိုင်သော အခွင့်အရေးသည် လည်းကောင်း၊ သင်ကိုယ်တိုင်နှင့် သင့်ဆွေစဉ်မျိုးဆက်များ မြန်မာ့သမိုင်းတွင် ကမ္ဗည်း တင်နိုင်သော အခွင့်အရေးသည် လည်းကောင်း သင်တို့၏လက်တွင် ရှိနေပါသည် ဟူ၍ ဖြစ်ပါသည်။

လွယ်ကူစွာ လုပ်ဆောင်နိုင်သည့် အချက်တခုမှာ သင်နှင့် သင်ဦးဆောင်သော တပ်မတော် သားများသည် ပြည်သူလူထုကို မနှိပ်စက်ရန်နှင့် ပြည်သူလူထုများ၏ အကျိုးအတွက် သင်တို့တတ်နိုင်သမျှ ဆောင်ရွက်ပေးရန် (သို့မဟုတ်) ဒီမိုကရေစီ အင်အားစုများ၏ လှုပ်ရှားမှုများတွင် သင်တို့ တတ်နိုင်သော အတိုင်းအတာဖြင့် ပူးပေါင်း ဆောင်ရွက်ကြရန် သာဖြစ်ပါသည်။

CAC ၏ ရှေ့လုပ်ငန်းစဉ်

နိဂုံးချုပ်အနေဖြင့် တင်ပြလိုသည်မှာ ၂၀၀၉ စုစည်းလှုပ်ရှားမှု ကော်မတီအနေဖြင့် NLD၏ ရွှေဂုံတိုင် ကြေငြာစာတမ်းမှ တောင်းဆိုခဲ့သော အချက်များအပေါ် နအဖမှ မြင်သာ ထင်သာသော ပြုပြင်ပြောင်းလဲ လိုက်လျှောမှုများ ပေါ်ထွက်လာခြင်း မရှိသေးသမျှ မိမိတို့ မူလ ချမှတ်ခဲ့သည့် အတိုင်း ၂၀၁၀ အတုအယောင် ရွေးကောက်ပွဲကို အပြီးတိုင် ရိုက်ချိုး ဖျက်ဆီးရေးဆိုသည့် လမ်းကြောင်းကို ဆက်လက်ကိုင်စွဲ တိုက်ပွဲဝင် သွားမည် ဖြစ်ကြောင်း ထုတ်ပြန် ကြေငြာအပ်ပါသည်။

အလုပ်အမှုဆောင်အဖွဲ့

၂၀၀၉ စုစည်းလှုပ်ရှားမှုကော်မတီ