ကုလသမဂ္ဂအထွေထွေ အတွင်းရေးမှူးချုပ်က သူ၏ မြန်မာပြည် ခရီးစဉ် အဆုံးသတ်တွင် "ကျနော် အတော့်ကို စိတ်ပျက်မိပါတယ်။ ဒါဟာဆိုရင် အမျိုးသား ပြန်လည်သင့်မြတ်ရေး လုပ်ငန်းစဉ်မှာ အရေးပါတဲ့ အခန်းကဏ္ဍက ပါဝင်နိုင်မယ့် နိုင်ငံရေးခေါင်းဆောင်တွေ အားလုံးနဲ့ သင့်မြတ်ရေးအတွက် တစိုက် မတ်မတ် လုပ်နေပါတယ် ဆိုတာနဲ့ ပတ်သက်လို့ သူတို့ဘက်က ပြသနိုင်မယ့် အခွင့်အလမ်းတခု ဆုံးရှုံးခဲ့တာလည်း ဖြစ်ပါတယ်။" ဟုပြောကြား သွားခဲ့သည်။ စစ်အုပ်စုတို့သည် အာဏာကို ဆက်လက်ဆုတ် ကိုင်ရေး လမ်းပြမြေပုံကိုသာ စွဲကိုင်၍ မြန်မာပြည်သူအားလုံးနှင့် တကမ္ဘာလုံး၏ မျှော်လင့်ချက်များ ကို ပြက်ရယ်ပြုခဲ့လေပြီ။
၁၉၆၂ ခုနှစ် စတင် အာဏာသိမ်းယူစဉ်ကတည်းက ကျောင်းသားပြည်သူလူထုများ၏ အသက်ပေါင်း များစွာကို သတ်ဖြတ်ခဲ့ရုံမကပဲ သမိုင်းဝင် ကျောင်းသားသမဂ္ဂ အဆောက် အအုံကြီးကို မိုင်းခွဲ ဖျက်ဆီးပြီး ပြည်သူလူထု များကို ဒုတ်ဒုတ်ချင်း ဒါးဒါးချင်းဟု စိန်ခေါ်ခဲ့သည် စစ်အာဏာရှုးတို့သည် လူသာပြောင်းခဲ့၍ မူကတော့ ဘယ် တော့မှ ပြောင်းလဲမလာခဲ့။
ကျောင်းသား၊ပြည်သူ၊ ရဟန်းရှင်လူများ၏ အသက်သွေးများကို ခြေဆေး၍ သူတို့၏ အာဏာသက် ရှည်ရေးကို သာ အစဉ်တစိုက် ရှေးရှုခဲ့သည်။ အတိုက်အခံ ပြုသူဟူသမျှကို ထောင်သွင်း အကျဉ်း ချရုံမျှမက အောက်လမ်း နည်းမျိုးစုံသုံး၍ အကြံပက်စက်စွာ နှိမ်နင်းသည်။လိုအပ်လျှင် သတ်ဖြတ်သည်။ တိုင်းရင်းသား အချင်းချင်းလည်း သွေးခွဲ၍ သတ်ဖြတ်စေသည်။ ပြည်သူများ အပေါ် ဖိနှိပ်ရုံမက သဘာဝ ဘေးဒဏ် ခံစားနေရချိန်တွင်ပင် လူမ ဆန်စွာ အမြတ်ထုတ်သည်။
ယခုနောက်ဆုံး အမျိုးသားပြန်လည် သင့်မြတ်ရေး၊ တိုင်းပြည်အေးချမ်းသာယာရေးအတွက် ကုလသမဂ္ဂမှ ကမ်း ပေးလာသော လက်ကိုပင် ပုတ်ထုတ်၍ အာဏာရှင်သရုပ်ကို တကမ္ဘာ လုံးသို့ ဖေါ်ထုတ်ပြခဲ့လေပြီ။
ထိုမျှမကသေးပဲ နျူကလီးယား အားကိုးဖြင့် တံခါးပိတ်ကာ စွာနေသော မြောက်ကိုရီးယား လမ်းစဉ်အတိုင်း နျူကလီးယား ပါဝါ ကိုရရှိရန် ကြိုးစားနေမှုများသည်လဲ ဘူးပေါ်သလို ပေါ်ထွက်လာခဲ့သည်။ မိမိနိုင်ငံသူ နိုင်ငံ သားများကို လက်နက်အားကိုးဖြင့် အမျိုးမျိုး သတ်ဖြတ် ဖိနှိပ်အနိုင်ကျင့် နှိပ်စက်ရုံမျှကမ အရှေ့တောင်အာရှ ဒေသ နိုင်ငံများနှင့် ကမ္ဘာ့ နိုင်ငံအားလုံးကိုပါ ခြိမ်းခြောက်နိုင်ရန် ဆက်လက်ကြိုးစားနေသည်။
စစ်အင်အားကြီး နိုင်ငံတနိုင်ငံ ဖြစ်လာစေရေးကို အရှုးအမှုးကြိုးစားရင်း ဒေသလုံခြုံရေးကို ခြိမ်းခြောက်လာ သည်ကို ထင်ရှားစွာ တွေ့နေရပြီဖြစ်သော်လည်း အာစီယံခေါ် အရှေ့တောင်အာရှ နိုင်ငံများ အသင်းကြီးက သူတို့၏ မအောင်မြင်သည့် အပြုသဘော ဆောင်သော ချော့မော့ဖြောင်းဖျရေး လုပ်ငန်းစဉ်ကြီးကို လက်လွှတ် ရန် ဝန်လေးနေသည်။
မြန်မာနိုင်ငံအပေါ် ဒဏ်ခတ်အရေးယူတာတွေဟာ ပြဿနာတွေကို ဖြေရှင်းနိုင်မှာ မဟုတ်တဲ့အတွက် မကျင့် သုံးသင့်ဘူးလို့ ထိုင်းဝန်ကြီးချုပ် အဘီဆစ် ၀တ်ချာချီဝ (Abhisit Vejjajiva) က ပြောခဲ့၏။ ထို့အတူ ဒဏ်ခတ် အရေးယူမှုက ပြဿနာ မဖြေရှင်းနိုင်ရင် ASEAN အရှေ့တောင်အာရှ နိုင်ငံများအဖွဲ့က ချမှတ်ကျင့်သုံးနေတဲ့ အပြုသဘောဆောင် ဆက်ဆံရေး ကနေ မြန်မာနိုင်ငံ ပြဿနာတွေကို ဖြေရှင်းနိုင်အောင် ကြိုးပမ်းလုပ်ဆောင် သင့်တယ်လို့ NLD အမျိုးသားဒီမိုကရေစီ အဖွဲ့ချုပ် က တုံ့ပြန်ပြောခဲ့၏။
ပိတ်ဆို့အရေးယူထားတာတောင်မှ စစ်လက်နက်အင်အား များစွာဖြည့်တင်းခဲ့ပြီး နျူကလီးယား ပါဝါကို ပိုင်ဆိုင်ရန် ကြိုးစားနေသေးသည်ကို သေချာစွာ သုံးသပ်ကြည့်သင့်သည်။ တကယ်တော့ ထိုမျှ စစ်လက်နက် အင်အားများ တောင့်တင်းအောင် ထိုင်းနိုင်ငံက ဝယ်ယူနေတဲ့ ဒေါ်လာ ဘီလျှံချီနေတဲ့ ဂက်(စ်)ရောင်းရ ငွေတွေက အထောက်အပံ့ ပေးနေခြင်းဖြစ်သည်။ ထိုရောင်းရငွေများနှင့် စစ်အုပ်စုက လက်နက်များ လှိမ့်ဝယ်နေချိန်တွင် မြန်မာနိုင်ငံသားများမှာ မြို့ပျက်ကြီးများကဲ့သို့ မီးမှောင်မဲနေသော နိုင်ငံ တဝှမ်းလုံးရှိ မြို့ပြကြိးများတွင် အကြပ်အတည်း မျိုးစုံတွေနဲ့ ဖိနှိပ်ခံနေရခြင်းဖြစ်သည်။ အဲဒီ အကျပ်အတည်းတွေဟာ တို့ခံစားရတာ မဟုတ်လို့ ထည့်စဉ်းစားစရာ မလိုဘူးလို့ တွေးကြတယ်ဆိုရင်တော့ နောင်အနာဂတ်မှာ နျူကလီးယား လက်နက် တယမ်းယမ်းနဲ့ အိမ်နီးချင်း နိုင်ငံတွေရဲ့ ဒေသ လုံခြုံရေးကို နှောင့်ယှက်လာသည့် နအဖကို တွေ့ရမည်မှာ မလွဲမသွေပင် ဖြစ်သည်။
ကုလသမဂ္ဂလုံခြုံရေး ကောင်စီတွင် စစ်အုပ်စု သံအမတ်က အချက်၃ချက် ပြောဆိုခဲ့သည်။ ထိုအချက်များသည် အပြောင်းအလဲ လုပ်ဆောင်မည်ဟု ကိုးကားလောက်စရာ အကြောင်းမရှိခဲ့။ ၄င်းက အကျဉ်းသားများ လွှတ်ပေး ဦးမည်ဟု ဆိုသည်။ ယခင်ကလည်း လွှတ်ပေးခဲ့ပြီး ဖြစ်ရာ ထိုထောင်နှင့်ချီ လွှတ်ပေးခဲ့သော အကျဉ်းသားများတွင် နိုင်ငံရေး အကျဉ်းသားများက ရာဂဏန်းပင် မရှိခဲ့။ ထိုသို့ ရာဇဝတ်အကျဉ်းသားများ လွှတ်ပေးခြင်းတွင်ပင် ရိုးသား ဖြောင့်မတ်မှု ရှိခဲ့သည်မဟုတ်။ ဥပမာ ကလေးထောင်တွင် လူ ၂၀၀ကျော် လွှတ်ပေးသည်ဟု စာရင်း ထွက်ခဲ့သော်လည်း တကယ် အလွှတ်စာရင်းပြသူများမှာ ရဲဘက်စခန်းများနှင့် ရှေ့တန်းဒေသများတွင် ပေါ်တာအဖြစ် အသုံးပြုခံရပြီး သေဆုံးခဲ့ရသူများကို အလွှတ်စာရင်းပြခဲ့ ခြင်းသာ ဖြစ်သည်။
နောက်တဖန် ၂၀၁၀ ရွေးကောက်ပွဲကို အားလုံးပါဝင်နိုင်ရန် ဆောင်ရွက်ပေးမည်ဟု ဆိုသည်။ လက်တွေ့တွင် ရွေးကောက်ပွဲ ဥပဒေကို ယခုအချိန်အထိ ထုတ်ပြန်ခြင်း မရှိသေး သလို ပါတီများ အတွက်မဲဆွယ်စည်းရုံး လှုပ်ရှားခွင့် မရှိသေး။ ထို့အတူ ဒေါ်အောင်ဆန်းစုကြည်ကို မတရားအမှုဆင် ထောင်ချရန် ကြိုးပမ်းနေဆဲ ဖြစ်ပြီး၊ နိုင်ငံရေး လှုပ်ရှားသူ ၂၀၀၀ ကျော်ကို မတရားနှစ်ရှည်ထောင် ဒဏ်များချ၍ ဖမ်းဆီးထားဆဲပင်။
၂၀၁၀ ရွေးကောက်ပွဲ အတွက် နည်းပညာ အကူအညီများ လိုခဲ့လျှင် ကုလသမဂ္ဂ၏ အကူအညီ ယူပါမည်ဟုဆို သည်။ မလိုလျှင် မယူဟု ပြောခြင်းသာဖြစ်သည်။ နိုင်ငံတကာ အကဲခတ်များ ပါဝင်စောင့်ကြည့်ခွင့်ရရန် စိုးစဉ်းမျှ မဟ။
စစ်အုပ်စု၏ ရှေ့ဆက်သွားမည့် လမ်းစဉ်များတွင် ငြိမ်းချမ်းရေး၊ အမျိုးသားပြန်လည် စည်းလုံး ညီညွတ်ရေးနှင့် တွေ့ဆုံဆွေးနွေး အဖြေရှာရေးတည်း ဟူသော မြန်မာနိုင်ငံသား အားလုံးနှင့် တကမ္ဘာလုံးက မျှော်လင့်နေသော အချက်အလက်များ လုံးဝပါမလာခဲ့။
ထိုသို့ဆိုလျှင် တရားမျှတမှု မခံစားရပဲ သေဆုံးခဲ့ကြရသူများ၊ ငရဲလှောင်အိမ်ထဲတွင် ယုံကြည်ချက် အတွက် အကျဉ်းကျ နေရသူများ၊ နစ်နာခံစားနေရသောပြည်သူများ၊ အသက်ဘေးကြောင့် ထွက်ပြေးနေရသော တိုင်းရင်းသားများ၊ အငတ်ဘေးကြောင့် ကျွန်သဘောက်ဘဝ ရောက်နေရသော လူထုများ၊ များစွာသော အရာအားလုံး အတွက် တုန့်ပြန်ရန်၊ ထိုက်သင့်သော ပြစ်ဒဏ်ခတ်ရန် အသက်ရှင်သန်နေသူများ၏ တာဝန် ဝတ္တရား ဖြစ်သည်မှာ အမှန်တရား ပင်ဖြစ်သည်။
ကျွန်တော်တို့ နိုင်ငံသားများသည် နှစ်ပေါင်းမြောက်များစွာ စစ်ဘေးစစ်ဒဏ် အမျိုးမျိုးကို ခါးစည်း ခံခဲ့ကြရသည်။ လွတ်လပ်ရေးရပြီး နောက်တွင်လည်း ဆယ်စုနှစ်ပေါင်းများစွာ ပြည်တွင်းစစ်ဒဏ်ကို ခံစားခဲ့ရသည်။့ ငြိမ်းချမ်း သော ဘဝကို လူတိုင်းပိုင်ဆိုင် လိုကြသည်။
ထို့ကြောင့် ပင်လျှင် အသက်ပေါင်းမြောက်များစွာ သတ်ဖြတ်ခဲ့သော၊ ဘဝပေါင်းများစွာကို ဖျက်ဆီးခဲ့သော၊ နိုင်ငံ၏ သယံဇာတ အရင်းအမြစ်များကို အာဏာတည်မြဲရေး အတွက်နှင့် ကိုယ်ကျိုးစီးပွါး အတွက် အသုံးချခဲ့ သူများကိုပင် ခွင့်လွှတ်၍ တွေ့ဆုံဆွေးနွေး အဖြေရှာရေးလမ်းကို ရွေးခဲ့ကြသည်။
ငြိမ်းချမ်းရေးကို ရှေးရှု၍ သင်ပုန်းချေပေးရန် ကြိုးစားခဲ့ကြသည်။ ထိုသည်ကိုပင် ကြောက်သည်ဟု ထင်မှတ် မှားနေသည်လား မသိ။ ပြည်သူတို့၏ ဆန္ဒကို ငြင်းပယ်ခဲ့လေပြီ။ ထိုမျှမက အထက်တွင် ကျွန်တော်ဆိုခဲ့သလို ကုလသမဂ္ဂ အထွေထွေအတွင်းရေးမှုးချုပ် ကိုယ်တိုင် လာရောက်ကမ်းသော လက်ကိုပင် မောက်မာစွာ ပုတ်ချခဲ့ လေပြီ။
ကျွန်တော်တို့သည် ငြိမ်းချမ်းရေးကို လိုလားစွာ လက်ကမ်းနေသော်လည်း ကျွဲပါး စောင်းတီး သလို ဖြစ်ခဲ့လေပြီ။ ထိုသို့ဆိုလျှင် မည်သို့ဆက်လက် ဆောင်ရွက်ရပါမည်လဲ။ လက်ရှိ အချက်အလက် အခြေအနေများ၏ ညွှန်ပြ ချက်များအရ နအဖ တို့သည် သူတို့ကိုယ်တိုင် အခက်အခဲ အကြပ်အတည်းများကို မကြုံတွေ့ရသမျှ စေ့စပ် ညှိနိုင်းရေး ဆိုသော တံခါးကို ဘယ်တော့မှ ခေါက်လေမည် မဟုတ်။
ငြိမ်းချမ်းရေးသည် တေးဆိုပြနေရုံဖြင့်မရ။ လိုအပ်ပါက တိုက်ပွဲဝင် ရယူကြရသည်။လက်ရှိ အခြေအနေအရ သူကိုယ့်သူ အသာစီးရနေသည်ဟုထင်နေသော နအဖ စစ်အာဏာရှင်များအား ပကတိ အခြေနေမှန်ကို ခေါင်းခေါက်၍ ထောက်ပြရန်သာ ရှိတော့သည်။ ဒီမိုကရေစီ အင်အားစုများက တွေ့ဆုံညှိနိုင်း အဖြေရှာရေးအတွက် တံခါးဖွင့်ထားခြင်း၊ တောင်းဆိုနေခြင်းအပေါ် သူတို့အသာစီးရနေသည်ဟု ထင်နေသူများ အတွက် ပကတိ အမှန်တရားကို မြင်အောင်ပြပေးရုံ မှတပါး အခြားမရှိတော့။
စစ်အင်အားများစွာ ဖြည့်တင်းထားသော အာဏာရှင်တို့က ထိုအတွက် မာန်တက်ဝင့်ဝါနေသည်။ အမှန်မှာ သန်း၅၀ကျော်သော ပြည်သူလူထုများက စစ်အာဏာရှင် စနစ်ကိုခါးသည်းစွာ ပြောင်းလဲလိုနေကြပြီ။ သူတို့ အားကိုးနေသော သိန်းဂဏန်း ပမာဏရှိ တပ်မတော်သားများသည်လည်း ထိုပြည်သူလူထု များကြားမှ ပေါက်ပွားလာ သူများသာ ဖြစ်သည်။ ထို့အတူ သူတို့အုပ်ချုပ်ရေး ယန္တယားကြီးကို မောင်းနှင်ပေးနေ သူများမှာလည်း ပြည်သူလူထုကြားမှ ပေါက်ပွားလာသော ဝန်ထမ်းများသာဖြစ်သည်။ သူတို့အတွက် အခွန်ထမ်း နေသူများမှာလည်း ထိုပြည်သူများသာ ဖြစ်သည်။ ထိုမျှမက ကျွန်တ်ာတို့ဘက်တွင် ဒီမိုကရေစီနှင့် လူ့အခွင့်အရေးကို မြတ်နိုးတန်ဘိုးထားကြသော ကမ္ဘာ့ပြည်သူများရှိသည်။ ထိုလက်နက်များကို စနစ်တကျ တပ်ဆင်၍ ငြိမ်းချမ်းရေး အတွက် တိုက်ပွဲဝင်ရုံ မှတပါး အခြားမရှိတော့ပြီဟု တင်ပြလိုက်ရပါသည်။
D-Wave
အမှန်တရားဂျာနယ် အတွဲ၁။ အမှတ်၅တွင် ရေးသားခဲ့သော အယ်ဒီတာ့ အာဘော်ကို
.pdf.jpg)
