CAC(BURMA) ထုတ်ပြန်ကြေငြာချက် ၀၅/၀၉

ထုတ်ပြန်ကြေငြာချက် အမှတ် ၅/၀၉

စာအမှတ်- စကလ/လစဖ/၀၅/၀၉

နေ့စွဲ - ၉-၄-၀၉

ကျွန်ုပ်တို့ မြန်မာနိုင်ငံတွင် စစ်အာဏာရှင်စနစ် အမြစ်ပြတ် ချုပ်ငြိမ်းစေရေး၊ စစ်မှန်သော ဒီမိုကရေစီ ပေါ်ထွန်းလာရေး၊ မဲလိမ်၍ တဖက်သတ် အတည်ပြုထားသော ၂၀၀၈ ဖွဲ့စည်းပုံ အခြေခံဥပဒေကို ဖယ်ရှားပစ်ရေး၊ တရားမဝင် စစ်အာဏာ သိမ်း ထားသူများက တရားဝင် အစိုးရအဖြစ် လိမ်ညာ အတည်ပြုမည့် ၂၀၁၀ အတု အယောင် ရွေးကောက်ပွဲ ကို တားဆီး တိုက်ဖျက်ရေး ဆိုသည့် အကြောင်းရင်းခံများဖြင့် ကျွန်ုပ်တို့၏ ၂၀၀၉ စုစည်းလှုပ်ရှားမှု ကော်မတီကို နိုင်ငံရေး လိုအပ်ချက် အရ ဖွဲ့စည်းခဲ့ခြင်း ဖြစ်ပါသည်။

စစ်အုပ်စုနှင့် ယှဉ်ပြိုင်ရင်ဆိုင် အောင်ပွဲဆင်နိုင်ရန် စုစည်းညီညွတ်သော ဒီမိုကရေစီ အင်အားစုကြီး တရပ် ပေါ်ထွန်း လာရေး ဆိုသည့် လုပ်ငန်းစဉ်ကိုလည်း ကျွန်ုပ်တို့၏ ပင်မ လုပ်ငန်းစဉ်အဖြစ် ချမှတ်အကောင် အထည်ဖေါ်လျှက် ရှိပါ သည်။

၂၀၀၉ ခုနှစ် ဧပြီလ ၆ ရက်နေ့က NCGUB, NCUB အပါအဝင် တော်လှန်ရေး အင်အားစုကြီး ၇ ဖွဲ့ မှ စုစည်းညီညွတ်သော တပ်ပေါင်းစုကြီး ဖွဲ့စည်းသွားမည် ဖြစ်ကြောင်းနှင့် ၂၀၀၈ ဖွဲ့စည်းပုံ အခြေခံဥပဒေကို ဖျက်သိမ်းနိုင်ရေးအတွက် ဆောင်ရွက် သွားမည် ဖြစ်သလို၊ ထိုဖွဲ့စည်းပုံဖြင့် ဆောင်ရွက်မည့် ၂၀၁၀ ရွေးကောက်ပွဲကိုလည်း ဆန့်ကျင်သွားမည် ဖြစ်ကြောင်း ထုတ်ပြန်ကြေငြာခဲ့ပါသည်။

ထိုကြေငြာချက်ပါ အချက်များသည် ကျွန်ုပ်တို့ ၂၀၀၉ စုစည်းလှုပ်ရှားမှု ကော်မတီမှ ချမှတ်ထားသော လုပ်ငန်းစဉ် များနှင့် ထပ်တူနီးပါး တူညီမှုရှိပါသဖြင့် ဝမ်းမြောက်ဝမ်းသာ ထောက်ခံ ကြိုဆိုပါကြောင်းနှင့် တော်လှန်ရေးအင်အားစုကြီး များ၏ စုစည်းညီညွတ်မှု အပေါ် နှစ်ထောင်းအားရ ဖြစ်ရပါကြောင်း အလေးအနက် ဖေါ်ပြအပ်ပါသည်။

ထိုစုစည်းညီညွတ်သော အင်အားစုများ၏ စုစည်းမှုအင်အားဖြင့် ပြည်သူ့အရေးတော်ပုံကြီးတရပ် ဆက်လက်ဆင်နွဲရေး ဆိုသည့် ဒုတိယ ခြေလှမ်းတရပ်ကိုလည်း ပြည်သူလူထုတို့၏ အကျိုးစီးပွါးကို ရှေးရှု၍ ဆက်လက်ဖေါ်ဆောင် ဦးဆောင်မှု ပေးပါရန် ကိုလည်း အလေးအနက်တိုက်တွန်း တောင်းဆိုအပ်ပါသည်။

ဒီမိုကရေစီ ကျင့်စဉ်အရ လွတ်လပ်စွာ သဘောထားကွဲလွဲခွင့် ရှိသည်ဟုဆိုလျှင် လွတ်လပ်စွာစုစည်း ညီညွတ် ဆောင်ရွက် ခွင့်လည်း ရှိပါသည်။ ကျွန်ုပ်တို့ အနေဖြင့် ထိုလှုပ်ရှားဆောင်ရွက်မှုများတွင် မည်သည့် အခန်းကဏ္ဍမှမဆို အလေးအနက် ပူးပေါင်းပါဝင် ဆောင်ရွက်သွားမည်ဖြစ်ကြောင်း ထုတ်ပြန်ကြေငြာအပ်ပါသည်။

အလုပ်အမှုဆောင်အဖွဲ့

၂၀၀၉ စုစည်းလှုပ်ရှားမှု ကော်မတီ

Announcement 05/09

Date April,9 ,2009

The 2009 Collective Action Committee (CAC) has been set up to end the dictatorship in Burma and to work for democracy. We reject the bogus, fraudulent 2008 referendum – held amidst one of the worst humanitarian crises the world has seen - and will work to ensure that the planned, sham 2010 election, that is merely an attempt to legitimate military control of the country, is successfully opposed.

One of our main aims at the 2009 CAC is to facilitate unity and cooperation between opposition groups working towards the same goal – the end of military rule in Burma and the restoration of democracy.

On April 6^th, 2009, the NCGUB, the NCUB and other opposition groups working for democratic change in Burma, announced that they do not recognize the 2008 referendum, and that they will not participate in the bogus 2010 election.

We warmly welcome these announcements and support the stated aims. We believe that we are all working toward the same goal, and that by working together we can achieve these stated aims. We believe that by maintaining unity between opposition groups we can successfully work towards ending military rule in Burma. Together we can work towards restoring democracy in Burma.

In accordance with democratic principles, there is plenty of room for free thought, and difference of opinion. But we must remain steadfast in the ideals that unite us all and work together for a free and democratic Burma.

We at the 2009 CAC strongly believe in these principles and will work together with other opposition groups to see our mutual aims achieved.

Working Committee

2009 Collective Action Committee (BURMA)

တော်လှန်ရေးအင်အားစုများ၏ ထုတ်ပြန်ကြေငြာချက်

အမှန်တရား ဂျာနယ် အတွဲ(၁)အမှတ်(၂ )ဖြန့်ချီ

အမှန်တရားဂျာနယ် အယ်ဒီတာ့ အာဘော်

“မတရားတဲ့ အမိန့်အာဏာမှန်သမျှ တာဝန်အရဖီဆန်ကြ”

၂၀၀၉ ခုနှစ် အစပိုင်းကတည်းက ဒေါ်အောင်ဆန်းစုကြည်၏ ခြံရှေ့တွင် “တိုင်းပြည်နှင့် လူမျိုးအတွက် ပြတ်ပြတ် သားသား ဆောင်ရွက်ကြ” ဟူသော ဗိုလ်ချုပ်အောင်ဆန်း၏ အဆိုအမိန့်တခုကို ဆိုင်းဘုတ်တင် ချိတ်ဆွဲထားခဲ့သည်။

လွန်ခဲ့သော ရက်အနည်းငယ်က မူလချိတ်ဆွဲထားသည့် ဆိုင်းဘုတ်၏ အပေါ်ဘက်တွင် “တိုင်းပြည်နှင့် လူမျိုးကို တစ်ခါမျှတစ်ပါတ် မရိုက်ခဲ့” ဟူသော စာတန်းတခုကို ဗိုလ်ချုပ်၏ ဓါတ်ပှုံနှင့် အတူ ချိတ်ဆွဲထားခဲ့ ပြန်သည်။

တရားမျှတမှုကင်းမဲ့စွာ နေအိမ်အကျယ်ချုပ်ကျခံနေရသော ကျွန်တော်တို့၏ လူထုခေါင်းဆောင်သည် သူမပေး လိုသော Message နှစ်ခုကို ဖေါ်ထုတ်ပြခဲ့သည်ဟု ဆိုရပါမည်။

ပထမ Messageသည် အတိုက်အခံများ အားလုံး၊ ပြည်သူလူထုတရပ်လုံးနှင့် မျိုးချစ်တပ်မတော်သား အားလုံးကို တိုင်းပြည် အကျိုးအတွက် နှောင့်နှေးတွေဝေခြင်း မရှိပဲ ပြတ်သားစွာ အကောင်အထည်ဖေါ် ဆောင်ရွက်ကြရန် သုမ တတ်နိုင်သောနည်းဖြင့် ဦးဆောင်မှု ပေးခဲ့ခြင်းဖြစ်ပြီး၊ နှောင့်နှေးတွေဝေနေရန် မည်သည့် အကြောင်းမျှ မရှိတော့ကြောင်း မီးစိမ်းပြခဲ့ခြင်းဖြစ်သည်။

ဒုတိယ Message သည် နအဖတို့၏ လုပ်ကိုင်ဆောင်ရွက်နေမှု အပေါ် သူမ အယုံအကြည် မရှိတော့ကြောင်း ဖေါ်ပြလိုက်ခြင်း ဖြစ်သည်။ဗိုလ်ချုပ်အောင်ဆန်းသည် တိုင်းပြည်နှင့်လူမျိုး အပေါ် မည့်သည့် အခါမှ တပါတ်ရိုက် လှည့်စား လိမ်လည်ခဲ့ခြင်း မရှိခဲ့သည့် အချက်ကို အထွေအထူးလုပ်၍ ပြောနေစရာမရှိ၊ ဘာကြောင့် ထိုအချက် ကို ဖေါ်ထုတ်နေရသနည်း ဆိုလျှင် ထိုသို့ လုပ်နေသူများ ရှိနေသည်ကို ထုတ်ပြောလို၍သာ ဖြစ်သည်။

နအဖတို့သည် အလိမ်အညာ အခြေခံဥပဒေနှင့် အတုအယောင် ရွေးကောက်ပွဲတို့ဖြင့် တိုင်းပြည်ကို တပါတ် ရိုက်ကာ ထပ်မံ၍ ကျွန်ဇာတ်သွင်းတော့မည် ဖြစ်ကြောင်း မီးမောင်းထိုးပြ လိုက်ခြင်းသာ ဖြစ်ပေသည်။

သတင်းစာဆရာကြီး ဦးဝင်းတင်ကလည်း သူ၏မွေးနေ့ပွဲ တွေ့ဆုံမေးမြန်းခန်းတခုတွင် “ကြောက်ရင်လဲ ကြောက်ကြောက်နဲ့ပဲ လုပ်ပါ”ဟု ဒေါ်အောင်ဆန်းစုကြည် ပြောခဲ့သော စကားတခွန်းကို ကိုးကား၍ မကြောက် တရားကို ဟောခဲ့သည်။

အကြံအစည် ရှိရှိဖြင့် ရက်စက်မှုကမ်းကုန်စွာ နအဖတို့၏ ဖိနှိပ် ဆောင်ရွက်ခဲ့မှုများကြောင့် အကြောက်တရား သည် လူထုတို့၏ နှလုံးသားကို စူးနင့်နေစေခဲ့ပြီဟု သူမြင်သိခဲ့သည့် အချက်ကို ထုတ်ဖေါ်ပြောပြခဲ့ခြင်းသာ ဖြစ်သည်။

ထိုအကြောက်တရား အတားအဆီး တို့ကို ရိုက်ချိုးဖျက်ဆီးနိုင်မည်မှာ လက်တွေ့လူထုတိုက်ပွဲသာ ဖြစ်သည်ဟု ကျွန်ုပ်တို့ ၂၀၀၉ စုစည်းလှုပ်ရှားမှု ကော်မတီမှ အလေးအနက် ယုံကြည်ပါသည်။ လမ်းပေါ်တက်၍ ဆန္ဒ ဖေါ်ထုတ်မှသာ လူထုတိုက်ပွဲဟု ခေါ်ဆိုနိုင်သည် မဟုတ်ပါ။

ထို့ကြောင့် နအဖတို့ ဖိန့်ဖိန့်တုန် ကြောက်ရွံ့ခဲ့သော ဒေါ်အောင်ဆန်းစုကြည်ကိုယ်တိုင် ဦးဆောင် တိုက်ပွဲဝင်ခဲ့ဘူးသည့် “မတရားတဲ့ အမိန်အာဏာဟူသမျှ တာဝန်အရ ဖီဆန်ကြ” ဆိုသည့် တိုက်ပွဲဝင် ဆောင်ပုဒ်လို လူတိုင်း လူတိုင်း မိမိတို့ တတ်နိုင်သည့် အတိုင်းအတာဖြင့် ဖီဆန် တိုက်ပွဲဝင်ကြရမည်ဖြစ်သလို အတိုက်အခံ အင်အားစုများကလည်း လူထုတိုက်ပွဲ မဟာဗျူဟာ နည်းဗျူဟာများကို လက်တွေ့ဖေါ်ထုတ် အကောင်အထည် ဖေါ်ကြရန် အချိန်တန်ပြီ ဖြစ်ပါ ကြောင်း တင်ပြအပ်ပါသည်။

အွန်လိုင်းမှဖတ်ရှုရန်
အမှန်တရားဂျာနယ် အတွဲ(၁) အမှတ်(၂)

The Truth Journal Volume 1 No2 ဒေါင်းလုပ်ရယူရန်ဒီနေရာမှာနှိပ်ပါ

Publish at Scribd or explore others: Magazines & Newspape Religion & Spiritual အမှန်တရားဂျာနယ်

“အနှစ်နှစ်ဆယ်မှသည်”

အနှစ်နှစ်ဆယ်ဆီသို့

“အနှစ်နှစ်ဆယ်မျှ တိုင်းပြည်အတွက် လုပ်လာပြီးနောက် ကျွန်တော်သည် ကိုယ့်ကိုယ်ပြန်၍ ကြည့်လိုက်သောအခါ ကြိုးတိုက်ထဲသို့ ရောက်နေသည်ကို တွေ့ရလေသည်။”

အထက်ပါ စာပိုဒ်မှာ ဗိုလ်မှုးချစ်ကောင်း ရေးခဲ့သည့် အနှစ်နှစ်ဆယ် စာအုပ်၏ အဖွင့် စာပိုဒ်ပင် ဖြစ်ပါသည်။ ၁၉၈၈ခုနှစ် လူထုအုံကြွမှုကြီးမှ စခဲ့သော စစ်အာဏာရှင် ဆန့်ကျင်ရေးနှင့် ဒီမိုကရေစီ ရရှိရေး လှုပ်ရှားမှုများ၏ ကာလသည်လည်း လာမည့် ဩဂုတ်လ (၈)ရက်နေ့တွင် အနှစ်နှစ်ဆယ် တင်းတင်းပြည့်တော့မည် ဖြစ်ပါသည်။

အနှစ်နှစ်ဆယ်ကြာ တိုက်ပွဲခရီးရှည်ကြီးထဲမှာ ကျဆုံးသူတွေလဲ ကျဆုံးကုန်ကြရပါပြီ။ ကိုဖုန်းမော် တို့လို သမိုင်းဝင်ခဲ့သူတွေ ရှိသလို၊ နအဖမီးသဂြိုလ် စက်တွေထဲမှာ လူမသိသူမသိ ပြာကျခဲ့ရ သူတွေ၊ တောတောင်တွေထဲမှာ တိုက်ပွဲဖြစ်ရင်း ငှက်ဖျား နှိပ်စက်ရင်းဖြင့် ခေါင်းချခဲ့ရသူတွေ၊ နအဖရဲ့ စစ်အကျဉ်းထောင်ထဲမှာ နှိပ်စက် ညှင်းပန်းမှုတွေကို အံတုကြံ့ကြံ့ခံရင်း ကျဆုံးခဲ့ရသူတွေ ယခုတိုင် အကျဉ်းထောင်များထဲတွင် ဒူးထောက်အညံ့ မခံပဲ ဆက်လက် တိုက်ပွဲဝင်နေသူတွေ ရှိနေ သလို အချိ်ု့လဲ လူသားချင်းစာနာတဲ့ ကမ္ဘာ့နိုင်ငံအနှံ့အပြားကို ရောက်ရှိနေကြပြီး အချို့ကလည်း နယ်စပ်ဒေသတွေမှာပဲ အားခဲလို့ ရပ်တည် ရုန်းကန်နေကြဆဲ တိုက်ပွဲဝင်နေကြဆဲပင်၊ ပြည်တွင်းရှိ ရဲဘော်များကလည်း ဟိုပုန်းဒီခိုနဲ့ အလံမလှဲ စတမ်း တိုက်ပွဲဝင်နေကြဆဲပင်။ ထိုအင်အားစုများ ကြောင့်လဲ ဒီမိုကရေစီတိုက်ပွဲရဲ့ အရှိန်အဟုန်ဟာ အဆက်မပြတ် ဆက်လက် ဖြစ်ပေါ်နေတယ် လို့လဲ ဆိုနိုင်ပါတယ်။

ကျွန်တော်ကိုယ်တိုင်သည်ပင် နှစ်နှစ်ဆယ်အတွင်း ဘဝပေါင်းစုံကျင်လည်ရင်းမှ Migrant ကျောင်းလေး တခုမှာ အနာဂတ်ရဲ့ မျိုးဆက်သစ် လူငယ်တွေကို ပညာသင်ပေးရင်း ဘဝကို ရုန်းကန်နေရဆဲပါ။

နေ့စဉ်နံနက် ကျောင်းတက်ချိန်တိုင်း ကျောင်းရှေ့ အလံတိုင်မှာ ထိုင်းအလံကိုတင်၊ ထိုင်းနိုင်ငံတော်သီချင်းကို သီဆိုနေကြရတဲ့ ခလေးငယ်တွေကို ကြည့်ရင်းပင် “ဩော် ဘယ်တော့ များမှ ငါတို့ခလေးတွေ ကိုယ့်အမိမြေပေါ်မှာ ခြေချလို့ အမိနိုင်ငံတော် အလံကို အလေးပြုခွင့် ရကြမှာလဲ” လို့ တွေးရင်း အမြဲကြေကွဲခဲ့ရပါတယ်။

တကယ်တွေးကြည့်တော့လဲ ဒီကလေးတွေကမှ အေးချမ်းစွာ ပညာသင်ခွင့် ရနေပါသေးတယ်။ နာဂစ်မုန်တိုင်းကြောင့် ကျောင်းပါ ပျောက်ခဲ့ရတဲ့ကလေးတွေ၊ မတရားကြီးမြင့်နေတဲ့ ကုန်ဈေးနှူန်းနဲ့ အလှူငွေအမျိုးမျိုးတွေကြောင့် ကျောင်းတောင် မတက်နိုင်တော့တဲ့ ကလေးတွေက ပြည်တွင်းမှာ အများကြီးပါ။ ဒီလိုဘဝတွေ မပြီှးဆုံးနိုင်သေးတဲ့ တာဝန်တွေနဲ့ အတူ ကျွန်တော်တို့ (၈၈)မျိုးဆက် ကျောင်းသားတွေဟာလည်း အသက်လေးဆယ်တန်းတွေ ရောက်လာခဲ့လို့ နောက်မျိုးဆက် ကျောင်းသားလူငယ်တွေက မပြီးသေးတဲ့ တာဝန်တွေကို ဆက်လက် ယူနေကြရပါပြီ ။

ကျွန်တော်တို့တွေ ဘယ်အထိ ခရီးပေါက်ခဲ့ပါပြီလဲ?

အမြင်မှာတော့ တပြည်လုံးမှာ မကြာခဏဆိုသလို ကန့်ကွက်ဆန္ဒ ပြမှုတွေဖြစ်လို့ တကမ္ဘာလုံးက ဝိုင်းဝန်း ကန့်ကွက်ရှုံ့ချကြလို့ နအဖဟာ အကျဉ်းအကျပ်မျိ်ုးစုံနဲ့ ကြုံတွေ့နေရတယ်လို့ ဆိုနိုင်ပါတယ်။ တနည်းပြောရရင် အခြေစိုက်စခန်းတွေကို တခုပြီးတခု လက်လွတ်ရပြီး နောက်ဆုံး ခံကတုတ်ကနေ မီးကုန်ယမ်းကုန် ခုခံနေရတဲ့ပုံပါပဲ။

တကယ်ကော ကျွန်တော်တို့ အနိုင်ရနေတယ်လို့ ယူဆနိုင်ပါသလား ?

အဆင့်ဆင့် အလျော့ပေးလာခဲ့တယ်လို့ ယူဆတယ်ဆိုရင် နအဖရဲ့ ရိုးဖြောင့်တဲ့ လိုက်လျောမှု တခုလေမျုား တွေ့ကြပါသလား။ ၁၉၈၈ ခုနှစ်စက်တင်ဘာလ အာဏာသိမ်းပြီးတဲ့ အချိန်က နိုင်ငံရေးပါတီ ဖွဲ့ခွင့်ပေးမယ် ရွေးကောက်ပွဲ လုပ်ပေးမယ်၊ အနိုင်ရမယ့် လူကို အာဏာလွှဲပေးပြီး စစ်တပ်ဟာ စစ်တန်းလျားပြန်ရုံပဲလို့ ဦးစောမောင်ပြောခဲ့တာကို မှတ်မိကြဦးမှာပါ။

တကယ်တန်းကျတော့ ရှိသမျှ နိူင်ငံရေးပါတီတွေကို အမျိုးမျိုးသပ်ရှိုဖြိုခွဲ၊ နိုင်ငံရေးပါတီ တွေရဲ့ အရေးပါတဲ့ ခေါင်းဆောင်တွေကို ဖမ်းပြီးမှ ရွေးကောက်ပွဲ ကျင်းပ ပေးခဲ့တာပါ။ ချည်ပြီးတုတ်ပြီး အပိုင်တွက်ထားတဲ့ ရွေးကောက်ပွဲမှာ ပြည်သူလူထုတရပ်လုံးက NLDကို တခဲနက် ထောက်ခံလိုက်တဲ့ အခါကျမှ ပြူးတူးပြဲတဲဖြစ်ပြီး ဦးစောမောင်ကို ဖြုတ်ချလို့ ဦးသန်းရွှေနဲ့ အစားထိုးတာပါ။

တနည်းဆိုရင် ဦးစောမောင် ပြောချင်တာပြောခဲ့တာတွေကို နောက်လူတွေ တာဝန်ခံမှာ မဟုတ်ဘူးဆိုတဲ့ သဘောပါ။ ကိုယ်ပြောတဲ့ စကားတောင် ကိုယ်တာဝန်မယူနိူင်တဲ့ လူတွေက သူတို့ကိုယ် သူတို့ အစိုးရလို့ ဆိုချင်ကြပါသေးတယ်။

နောက်တခါ ROAD MAP (၇)ချက်ဆိုတာကို ဦးခင်ညွန့်က ရေးဆွဲပြီး အမျိုးသား ညီလာခံကို ကျင်းပလို့ ဖွဲ့စည်းပုံ အခြေခံ ဥပဒေ ရေးဆွဲကြပြန်ပါတယ်။ ရပ်လိုက် သွားလိုက်နဲ့ အချိန်ဆွဲ လုပ်လာတဲ့ အဲဒီညီလာခံတောင် မပြီးသေးဘူး အချင်းချင်း စားခွက်လုရင်း ဦးခင်ညွန့် ပြုတ်သွားပြန်ပါတယ်။ သူလုပ်ခဲ့တာတွေ အားလုံးထဲက သူတို့ အကျိုးရှိနိုင်တဲ့ ဟာတွေကလွဲရင် ကျန်တာတွေအားလုံး လှစ်လျှူရှုလိုက် ပြန်ပါတယ်။

အမျိုးသား ညီလာခံကို (၁၅) နှစ်ကြာကျင်းပပြုလုပ် အားရအောင် အချိန်ဆွဲပြီးမှ သူတို့ အလိုကျ ရေးဆွဲထားတဲ့ အခြေခံဥပဒေကို အတည်ပြုဖို့ ရွေးကောက်ပွဲလုပ်ဖို့ ဆိုပြီး ကြေငြာချက်တွေ ထုတ်ပြန်တဲ့အခါ အဲဒါဟာ ကောင်းတဲ့ဘက်ကို ရှေ့ရှုတဲ့ အပြောင်းအလဲလို့ ဘယ်လိုမှ ယူဆစရာမရှိပါဘူး။

(၁) ရွေးကောက်ပွဲလုပ်ခဲ့တယ် “၁၉၈၈ မှ ၁၉၉၀ အထိ ”

(၂) အခြေခံဥပဒေရေးဆွဲ “ ၁၉၉၂ မှ ၂၀၀၇ အထိ” ပြီးမှ

(၃) လူထုဆန္ဒခံယူပွဲနှင့်ရွေးကောက်ပွဲ “၂၀၀၇ မှ ၂၀၁၀ အထိ”ဆိုပြီး န အ ဖ ကတော့ ၂၀၁၀ အထိ အချိန်ဆွဲဖို့ အဆင်သင့် ပြင်ထားပြီးပါပြီ ။

၂၀၁၀ ရွေးကောက်ပွဲပြီးရင်ရော ဘာဖြစ်လာမှာပါလဲ ? အခုလူတွေထဲက အချို့ကို ယူနီဖောင်း ချွတ်ပြီး လွှတ်တော်တက်ခိုင်း၊ နောက်က ကာကွယ်ရေးဦးစီးချုပ်က လိုသလို ကြိုးဆွဲသွားမယ့် စစ်အာဏာရှင်အလိုကျ အစိုးရကိုပဲ ကျွန်တော်တို့ ရကြမှာပါ။ ကုလားကြီးနဲ့ အရာကြီး အခေါ်ဝေါ်သာ ပြောင်းသွားမယ် ဒါကဒါပါဘဲ ။

ကျွန်တော်တို့ဖက်က လက်ရှိအခြေအနေကရောဘယ်လိုပါလဲ ?

ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင် ၊ အပါအဝင် NLD ခေါင်းဆောင်တွေ၊ ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုမင်းဇေယျာစတဲ့ ကျောင်းသား ခေါင်းဆောင်တွေ၊ အရှင်ဂမ္မီရတို့လို သံဃာတော်တွေ ၊ လူမျိုးစု ခေါင်းဆောင်တွေ၊ ဒီမိုကရေစီ လှုပ်ရှားတက်ကြွသူတွေ အားလုံး ဖမ်းဆီး ချုပ်နှောင်ခံနေရဆဲပါ။ ဥပဒေမရှိပဲ ဒေါ်အောင်ဆန်းစုကြည်ကို နေအိမ်အကျယ်ချုပ် တနှစ် သက်တမ်းတိုးလိုက် ပြန်ပါပြီ။ ဘာများ တုံ့ပြန်နိုင်ပါသလဲ?

ဒီပဲယင်းမှာ အကြမ်းဖက် သတ်ဖြတ်ခံရတဲ့သူတွေ ၊ လူမိုက်မွေးပြီး ရိုက်သတ်ခံရတဲ့ ရဲဘော်တွေ ၊ ထောင်ထဲမှာ မတရားနှိပ်စက်ခံရရင်း လက်လွန် သေဆုံးသွားသူတွေ ၊ အခုပြီးခဲ့တဲ့ စက်တင်ဘာမှာ ရိုက်နှက် သတ်ဖြတ် ၊ ဖမ်းဆီင်္းခံရသူတွေ အတွက်၊ တရားမျှတမှုတွေ ဘယ်မှာပါလဲ ?

ပြီးခဲ့တဲ့ REFERNDUM မှာ ထည့်သမျှ ကန့်ကွက်မဲတွေအားလုံးကို မဲလိမ်ပြီး ဘယ်နိုင်ငံမှာမှ မကြုံစဖူး ရာခိုင်နှုန်း(၉၀) ကျော်နိူင်ပါတယ်လို့ ကြေငြာသွားခဲ့ပြီးပြီ ။အမှန်တရားက ဘယ်မှာပါလဲ? နာဂစ်မုန်တိုင်းမွှေလို့ သိန်းချီသေပြီး သန်းချီ ဒုက္ခရောက်နေရတဲ့ ပြည်သူတွေကို ကူညီချင်ကြသူတွေ အပေါ် အမျိုးမျိုးကန့်သတ်မှုတွေ လုပ်လို့ ဒုက္ခသည်တွေကို ကူညီတဲ့ ပစ္စည်းတွေကို အမျိုးမျိုး အမြတ်ထုတ်နေကြတာ ကျွန်တော်တို့ ဘာများ လုပ်နိုင်ကြပါသလဲ? ကန့်ကွက်ရှုံ့ချရုံမှတပါး အခြားဘာမှ မလုပ်နိုင်ခဲ့ပါ။

ထိုအခြေအနေ အားလုံးအတွက် မည်သူ့တွင် တာဝန်ရှိပါသနည်း?

စီးပွားရေး နယ်ပယ်တွင်တော့ ရှင်းပါသည်။ ကုမ္မဏီကြီးတခုတွင် စီးပွားရေး ပေါ်လစီမှား၍ အရှုံးပေါ် လာခဲ့ပါလျှင် စီမံခန့်ခွဲကြသော CEO နှင့်တကွ ဘုတ်အဖွဲ့အားလုံး နှုတ်ထွက်ကြရုံသာ ရှိပါသည်။ ဥပမာတခု ဆိုရလျှင် ယခုပြုခဲ့သော REFERENDUM တွင် ကျွန်တော်တို့ ပြည်သူလူထုကို မဲရုံကိုသွား၍ ကန့်ကွက်မဲပေးကြပါဟု ဦးဆောင်မှု ပေးခဲ့သည်။ ထိုပေးခဲ့သော ကန့်ကွက်မဲ အားလုံးကို နအဖတို့က မဲလိမ်၍ ထောက်ခံမဲ လုပ်လိုက်ပါသည်။

၉၂ရာခိုင်နှုန်း ကျော်ဆိုသည်မှာ မဲရုံသို့ သွားရောက်မဲပေးသူ အားလုံးနီးပါး ဖြစ်ပါသည်။ ထိုပြည်သူလူထုမဲများ အလိမ်ခံရမှုတွင် မဲရုံသွားခိုင်းသူနှင့် မဲလိမ်သူ နှစ်ဦးတွင် မည်သူပို တာဝန်ရှိပါသလဲ?

သူခိုးကို ခေါင်းပေါင်းပေါင်း၍ တိုက်ပုံနှင့် ချိတ်ပုဆိုးဝတ်ရုံမျှဖြင့် လူကြီးလူကောင်းဟု မည်သူက ယူဆကြပါမည်လဲ? သူတိုက်ပုံတွေ ဘာတွေ ဝတ်ထားတာပဲ စိတ်ချရ ပါတယ်ဟု ပြောသဖြင့် ဂေါပကလူကြီး ခန့်မိသောအခါ ကျမှ ဘုရား အလှူငွေများ ခိုးပြေးသွားသည့်အခါ သူခိုးကို စိတ်ဆိုးရမည်လား၊ ဒါမှမဟုတ် ယုံကြည်စွာ အပ်နှံခိုင်းသူကို အပြစ်တင်ရပါမည်လား? သို့သော် တိုက်ပွဲဝင်နေကြသော ယခု အခြေအနေမှာတော့ ဘယ်သူကိုမှ အပြစ်မပုံချနိုင်ပါ၊ ဖြစ်လာသော အခြေအနေ ပေါ်တွင် အကောင်းဆုံး မည်သို့ ဆက်လက် လုပ်ဆောင်မည်ကှို စဉ်းစားရန်သာ ရှိပါသည်။

လူထုလှုပ်ရှားမှူများနှင့် တာဝန်ခံမှူ

လူထုတိုက်ပွဲများ အရှိန်မြှင့်တင်ကြသည့် အခါ အထိအခိုက် အရှအနာများစွာ ရှိပါသည်။ ရိုက်နှက်သတ်ဖြတ် ဖမ်းဆီးခံရသူများအတွက် တရားမျှတမှု ဖြစ်စေရန် ကြိုးစား ဆောင်ရွက်ပေးရ န်လှုံ့ဆော်သူတို့မှာ တာဝန်ရှိသလို၊ လှုပ်ရှားမှုများ ကြောင့် နေမရသဖြင့် ထွက်ပြေး တိမ်းရှောင်လာရသူများ အတွက် တာဝန်ယူ ရန်မှာလည်း လှုံ့ဆော်သူတို့ တာဝန်ပင် ဖြစ်ပါသည်။

ပေးဆပ်ခဲ့ရသော အသက်များ၊ ဘဝများစသည့် အရင်းအနှီးများ အတွက် တိုက်ပွဲကို ဆက်လက် အရှိန်အဟုန်မြှင့်ပြီး အောင်ပွဲရသည်အထိ တိုက်ပွဲဝင်ရန်မှာလည်း လှုံ့ဆော်သူများ၏ တာဝန်ပဲဖြစ်ပါသည်။ သို့မှသာ ယုံကြည်စွာ အသက်ပေး၊ ဘဝပေး တိုက်ပွဲဝင်ခဲ့သူတို့ အတွက် တာဝန်ကျေပါလိမ့်မည်။ ဤနေရာတွင် နိုင်ငံရေး ခေါင်းဆောင်များကို အလေးအနက်တင် ပြချင် ပါသည်။

နိုင်ငံခြား သွားချင်သဖြင့် ဆန္ဒဝင်ပြခဲ့သူ ဟူ၍ မရှိပါဟု ကျွန်တော်ရဲရဲကြီး ဆိုရဲပါသည်။ နိုင်ငံခြားသွားချင်သဖြင့် ဒီရောက်မှ ဆန္ဒပြခဲ့ဖူး သူလိုလို ရောယောင် ဟန်ဆောင်သူတို့တော့ ရှိချင်ရှိပါလိမ့်မည်။ ပြည်တွင်း၌ နေကြသူများသည် ထိုကိစ္စများကို မသိကြပါ။

လွတ်ရာနယ်မြေ ရောက်မှ ဘာနိုင်ငံရေး လှုပ်ရှားမှုမှ လုပ်ခွင့်မရကြပဲ တတိယ နိုင်ငံသွားသည့် တံခါးတပေါက်သာ ဖွင့်ထားပေးသည့် အနေထားမျိုးသည် မဖြစ်သင့်ဟု ဆိုချင်ပါသည်။ သွားချင်သူတွေ သွားကြသလို နိုင်ငံရေး ဆက်လုပ်ချင်သူတွေလည်း ရှိကြပါသည်။သို့သော် ဒီနေရာတွင် ဘာရွေးချယ်ခွင့်မှ မရပါ။

လုအမျိုးမျိုး အထွေထွေကို စီစစ်ဆောင်ရွက်ရန်၊ ထိမ်းသိမ်း စောင့်ရှောက်ရန် အတွက် ကြီးမားသော အခက်အခဲများ ရှိခဲ့မည်ဆိုသည်မှာ အသေအချာပင် ဖြစ်ပါသည်။ သို့သော် ထိုအကြောင်းပြချက် တခုတည်းဖြင့် လက်ပိုက်ကြည့် မနေသင့်ပါ။ ရှေ့ဆက်တိုက်ပွဲများတွင် ထိုသို့သော အခြေအနေများ ဆက်လက် ကြုံတွေ့ရန် ရှိပါဦးမည်။ အလေးအနက်ထား စဉ်းစားရမည့် အချက်ဖြစ်ပါသည်။

ကျွန်တော်တို့ ဘာလုပ်နိုင်ပါသလဲ?

တိုက်ပွဲကာလ နှစ်သက်တမ်း ရှည်လာတာနှင့်အမျှ အထိအခိုက် အရှအနာ အဆုံးအရှုံးတွေက များလာပါသည်။ အခြေအနေ ပြောင်းလဲနိုင်တဲ့ နိုင်ငံရေးတိုက်ပွဲ၊ လူထုတိုက်ပွဲများကို ပြင်ဆင်တဲ့အခါ ပြီးခဲ့တဲ့ အမှားတွေကို ပြန်သုံးသပ် ရှောင်ရှားရင်း အဆုံးသတ် တိုက်ပွဲကို ဘယ်လိုပြင်မလဲဆိုတာ နိုင်ငံရေး ဦးဆောင်မှု အခန်းကဏ္ဍကို ယူထားသူများမှာ ကြီးလေးတဲ့ တာဝန်ရှိနေပါတယ်လို့ ဆိုချင်ပါတယ်။

ရန်သူတွင် လက်နက်အာဏာ ငွေကြေး လူအင်အားစသည်ဖြင့် ပြည့်စုံသည်မှာ မှန်ပါသည်။ နောက်တခါ နာဇီလို၊ ဖက်ဆစ်လို မိမိအမျိုးသားရေးကို ရှေ့တန်းတင် သူမျိုးပင် မဟုတ်ပဲ မိမိကိုယ်ကျိုး စီးပွားမှလွဲ၍ ဘာမှ မစဉ်းစားသည့် လိုအပ်လျှင် ဇတ်တူသားစားရန်ပင် ဝန်မလေး သည့် အာဏာရှုး စစ်အာဏာရှင်ဖြစ်ပါသည်။

ထိုအာဏာရှင်မျိုးကို ခေါင်းလေး ဝင်ပါရစေဦးဆိုသည့် ကုလားအုတ်ပုံပြင် ဇာတ်လမ်းမျိုးဖြင့် ချဉ်းကပ်လျှင် ခေတ်သစ် ကုလားအုတ် ပုံပြင်ထဲကလို အသားပေါ်ခံရရုံသာ ရှိပါသည်။ ထိုလူအမျိုးအစားတွေကို ခဏတဖြုတ် အသုံးကျချိန်တွင် သုံး၍ မလိုချိန်မှာ ချနင်းပစ်လိုက်မှာ အသေအချာပါ။ ရှေ့က ကြိုးစားခဲ့ဘူးသူများကို ကြည့်ပါ။ ဇတ်တူသားစားသည့် သာဓကများကို ကြည့်ပါ။ လက်ရှိ ဝံသာနုNLDလို လူမျိုးတွေ၊ အေးလွင်တို့လို လူမျိုးတွေ၊ ငါးမင်းဆွေတို့လို လူမျိုးတွေ စသည့် ဖော်လံဖား လူတန်းစားများပင် ဘယ်လောက်ခံမည်လဲ ဆိုတာကို စောင့်ကြည့် ပါဦး။

သို့သော် အင်အားကြီးမားသည် ဆိုတိုင်း ကြောက်စရာမဟုတ်ပါ။ လူထု ထောက်ခံမှူမရသော ဘယ်လို မတရားအစိုးရများမှ ရေရှည် မတည်တံ့နိုင်ပါ။ ခိုင်မာသော နိုင်ငံရေး ဦးဆောင်မှူ နောက်တွင် ပြည်သူလူထုများ ညီညွတ်စွာ လိုက်ပါ ဆောင်ရွက်ကြရန်သာ လိုပါသည်။

ဥပမာတခု တင်ပြလိုပါသေးသည်။ တောထဲတွင်အင်အား ကြီးမားလှပါသည် ဆိုသော တောဆင်ရိုင်း အုပ်လိုက်ကြီးပင် တောခွေး ကျင်ငယ်ရည်နံ့ ရသည်နှင့် တဆတ်ဆတ် တုန်အောင် ကြောက်ကြရှာပါသည်။ ဆင်နှင့် တောခွေးများ အကောင်ချင်း ယှဉ်လျှင် နှိုင်းစရာပင် မရှိပါ။

သို့သော် တောခွေးများ၏ ညီညွတ်ခြင်းကို ကြောက်ကြခြင်း ဖြစ်ပါသည်။၎င်းတို့သည် ဆင်ဖြစ်စေ၊ ကျားဖြစ်စေ ၊ မည်သည့် သတ္တဝါဖြစ်စေ တိုက်ခိုက် သတ်ဖြတ်ရန် ဝန်လေးခြင်းမရှိပါ။ သူတို့ သတ်ကွင်းအတွင်း ဝင်လာသည့်အခါ ကျင်ငယ်ရည်ပန်းသည့် အကောင်ကပန်း၊ ရှေ့ကဝင်သည့် အကောင်ကဝင်၊ နောက်ကဆွဲသည့် အကောင်ကဆွဲ၊ အပေါ်မှ ခုန်ချသည့် အကောင်ကချ၊ ရေဆီမရောက်အောင် လမ်းလွှဲသည့် အကောင်က လွှဲဖြင့် နောက်ဆုံး ဆင်ကြီး ဘုန်းဘုန်းလဲကျမှ အောင်သေအောင်သား စားကြပါသည်။

သူတို့တွင် မတိုက်ခိုက်ခင်မှာ ဆင်သေရင် ဘယ်အပိုင်းကိုမှ ငါကယူမယ် ဆိုပြီး ကြိုတင် ဝေပုံချ ထားခြင်းလဲ မရှိပါ။ ငါက အုပ်စုခေါင်းဆောင်မို့ ဝမ်းတွင်းသားတွေကို ငါ့သားသမီးတွေ အတွက် ယူသွားမယ်ဆိုတဲ့ ခေါင်းဆောင်မျိုးလဲမရှိပါ။ ငါကတော့ အန္တရယ်များတဲ့ နှာမောင်းနေရာမှာ နေရလို့ သူကတော့ အနောက်ကပဲ ဝင်ဆွဲလို့ စသည်ဖြင့်လဲ မကွဲပါ။ ဆင်ကောင်ကြီးမှ မသေသေးခင် စားအိုးစားခွက်တွေ ကြိုပြင်ထားတဲ့ အကောင်တွေလဲ မရှိပါ။ တိုက်ပွဲမှာ အချောင်ခိုနေပြီး ဆင်သေချိန်ကျမှ ခေါင်းပေါ် တက်ထိုင်တတ်တဲ့ အကောင်မျိုးလဲ မရှိပါ။ ဒီတိုက်ပွဲမှာ ဆင်ကြီးမသေလို့ စိတ်ဆိုးသွားရင်ငါတော့ မလွယ်ဘူးဆိုပြီး စိတ်ဆိုးအောင် မလုပ်ပဲ နေတဲ့ အကောင်လဲ မရှိပါ။

သူတို့သိသည်မှာ သူတို့ သတ်ကွင်းပြင်ထားသည့် နေရာသို့ ဝင်လာသည့် မည်သည့် သားကောင်မဆို အပြီးအပြတ် ချေမှုန်းစားသောက်ပြီး မျိုးဆက်ကို ထိန်းသိမ်းရန်သာ ဖြစ်ပါသည်။ အရိုင်းဥပဒေမှာတော့ တောခွေးတွေကို သူတို့ရဲ့ စုစည်း ညီညွတ်မှုကြောင့် တောဘုရင်ဆိုတဲ့ အကောင်ကြီးတွေတောင် ဖိန့်ဖိန့်တုန်အောင် ကြောက်ကြရပါသည်။ ကျွန်တော်တို့ဟာ တောခွေးတွေထက် အဆပေါင်းများစွာ အသိဥာဏ် မြင့်မားသော လူသားများ ဖြစ်ကြပါသည်။ မြန်မာပြည်ရဲ့ များစွာသော ပြည်သူလူထုက နအဖကို လက်မခံဘူး ဆိုတာ ၁၉၉၀ပြည့် ရွေးကောက်ပွဲနဲ့ သက်သေပြပြီးပါပြီ။ ငြိမ်းချမ်းစွာ ဆန္ဒဖေါ်ထုတ်တဲ့ နည်းလမ်းများစွာနဲ့ သက်သေပြခဲ့ပြီးပါပြီ။

၂၀၀၇ စက်တင်ဘာလက ဖြစ်ပွားခဲ့တဲ့ သံဃာတော်များနဲ့ ကျောင်းသား ပြည်သူများရဲ့ ရွေဝါရောင် တော်လှန်ရေးကြီးဟာ ကမ္ဘာသိပါ။ နိုင်ငံတကာ အသိုင်းအဝိုင်းကလည်း မြန်မာပြည်သူတွေနဲ့ တသားတည်းရှိတဲ့ အကြောင်း ဆန္ဒတွေ ထုတ်ဖေါ်ပြခဲ့ပြီး ဖြစ်ပါတယ်။

မဖြစ်လာနိုင်သေးတဲ့ ကုလသမဂ္ဂတပ်ကြီးတွေ၊ အမေရိကန်တပ်ကြီးတွေ ဝင်လာဖို့ကို စိတ်ကူးမယဉ်တာ ပိုကောင်းပါတယ်။ ကိုယ့်အားကိုယ်ကိုးပြီး ကျွန်တော်တို့ တကယ်ညီညွတ်ဖို့သာ လိုပါသည်။

အနှစ်နှစ်ဆယ်မှသည်
အနှစ်နှစ်ဆယ် ပြည့်တော့မယ့် အချိန်မှာ ပြည်သူလူထုတွေ အတွက် အလိုအပ်ဆုံးအရာကို ပြောရမယ်ဆိုရင် အရည်အသွေးပြည့်ဝတဲ့ ခေါင်းဆောင်မှုနဲ့ ပီပြင်တဲ့ နိုင်ငံရေး ဦးဆောင်မှုဟာ အရေးတကြီး လိုအပ်နေပါတယ်။ အဲဒီနောက်က ဒီမိုကရေစီအရေး လှူပ်ရှားသူအားလုံးရဲ့ ညီညွတ်မှုနဲ့ လူထုအင်အား ပေါင်းစပ် လိုက်မယ်ဆိုရင် မအောင်မြင်စရာ မရှိဘူးလို့ ဆိုချင်ပါတယ်။

အတွေ့အကြုံ၊ အတွေးအခေါ် ကြီးမားတဲ့ ကျွန်တော်တို့ရဲ့ နိုင်ငံရေး ဦးဆောင် ပုဂ္ဂိုလ်များဟာ ပိုပြီးမြင်နိုင် ဦးဆောင်နိုင်မယ်ဆိုတာ ယုံကြည်ပါတယ်။ ကျွန်တော်တို့မှာ ဒေါ်အောင်ဆန်းစုကြည် တို့လို မြန်မာသိ ကမ္ဘာသိ လူထု ခေါင်းဆောင်တွေ ရှိပါတယ်။ ဒါပေမယ့် အဲဒီ လူထု ခေါင်းဆောင်တွေ ချမှတ်ထားတဲ့ နိုင်ငံရေး ဦးဆောင်မှူ လမ်းကြောင်း အတိုင်း သူတို့ ဖမ်းဆီး ခံနေရချိန်မှာ ဆက်လက် အကောင်အထည် ဖေါ်ပေးမယ့်၊ ဦးဆောင်မှူပေးမယ့် ခေါင်းဆောင် ကောင်းတွေ လိုပါတယ်။

စက်တင်ဘာ အရေးအခင်း ပြီးကာစမှာ အမေရိကန်လူမျိုး မိတ်ဆွေတဦးက ကျွန်တော့်ကို မေးဘူးပါတယ်။ စက်တင်ဘာ အရေးတော်ပုံကြီး ဘာလို့ အခြေမှုန်းခံရလဲ ဆိုတာနဲ့၊ ဘယ်လို အခြေအနေမျိုးဆိုရင် အနိုင်ရနိုင်မလဲ ဆိုတာပါ။

သူမေးတဲ့ စိတ်ဝင်စားစရာ မေးခွန်းတွေကို ဖေါ်ပြပေးချင်ပါတယ်။
(၁) သံဃာ့နာယက အဖွဲ့ခေါင်းဆောင်တွေ ပူးပေါင်းလာရင် အနိုင်ရနိူင်မလား?
(၂) အခြားဘာသာရေး ခေါင်းဆောင်များ ပူးပေါင်းပါဝင်လာရင် အနိုင်ရနိုင်မလား?
(၃)စစ်တပ်က ပူးပေါင်းလာမယ်ဆိုရင် အနိုင်ရနိုင်မလား? အနိုင်ရနိုင်မယ် ဆိုရင် ဘယ်အဆင့် လောက်ထိ ပူးပေါင်း ဆောင်ရွက်မှုလိုမလဲ၊ ဥပမာ အောက်ခြေ အဆင့် အထိလား၊ စစ်ဗိုလ်အဆင့်လား၊ ဒုဗိုလ်မှုးကြီးအဆင့်လား၊ ဒါမှမဟုတ် လက်ရှိ အုပ်ချုပ်ရေးပိုင်း ထဲက တယောက်ယောက် ပါဝင်ပူးပေါင်းဖို့ လိုလားစတဲ့ မေးခွန်းတွေပါ။

ကာယကံရှင်ဖြစ်တဲ့ ကျွန်တော်တို့ တတွေဟာ ဒီထက်မက ကိုယ့်ကိုကိုယ် မေးခွန်းတွေ ထုတ်ဖို့ လိုပါလိမ့်မယ်။ ဘဝတွေ အသက်တွေနဲ့ ရင်းရတဲ့ တိုက်ပွဲတွေအတွက် အပြန်ပြန် အလှန်လှန် သုံးသပ်ဖို့ လိုပါလ်ိမ့်မယ်။

ကျွန်တော့်အနေနဲ့ အချုပ်ဆိုရရင်တော့ ပီပြင်တဲ့ နိုင်ငံရေး ဦးဆောင်မှုနဲ့ လူထုအင်အား (ဆရာလူထုဦးစိန်ဝင်း စကားနဲ့ပြောရရင် PEOPLE POWER) နဲ့ ညီညွတ်မှုသာ အဆုံးသတ်တိုက်ပွဲကို အဆုံးအဖြတ်ပေးလိမ့်မယ် ဆိုတာပါပဲ။

ဘယ်လို အသွင်မျိုးနဲ့ လူထုတိုက်ပွဲလဲ၊ ဘယ်အတိုင်းအတာ အထိ တိုက်ကြမလဲ ဘယ်လိုပုံစံမျိုးနဲ့ ဖေါ်ဆောင်ကြမလဲ ဆိုတာကိုတော့ နိုင်ငံရေးဦးဆောင်သူတွေ ဆုံးဖြတ်ပေးရမှာပါ။ ဘာဖြစ်လို့လဲဆိုတော့ ပြည်သူတွေက သူတို့အတွက် ဒီမိုကရေစီ ဖေါ်ဆောင်ဆောင်ပေးနိုင်မယ်လို့ ယူဆသူတွေကို သူတို့ဆန္ဒနဲ့ ရွေးချယ်ထား ပြီးသားပါ။ ပြတ်သားတဲ့ မူတရပ်နဲ့ အတူ လူထုကို ဦးဆောင်ကြ စေချင်ပါတယ်။

အနှစ်နှစ်ဆယ်မှသည် အဆုံးသတ် တိုက်ပွဲဆီသို့ ကျွန်တော်တို့ ဦးတည်မလား? အနှစ်နှစ်ဆယ်မှသည် အင်ဖန်နတီဆီသို့ ဦးတည်မလား? ဆိုတာ ရွေးချယ်ကြဖို့ အချိန်ကျ ရောက်ပါပြီလို့ တင်ပြလိုက်ရပါတယ်။

ဤဆောင်းပါးကို ၂၀၀၈ခုနှစ် ဂျွန်လ ၃၀ရက်နေ့က http://saffrontoward.blogspot.com တွင် ဖေါ်ပြခဲ့ပြီးဖြစ်ပါသည်။

D-Wave

ခေါင်းဆောင်မှု စိန်ခေါ်သံနှင့် ဒဏ္ဍာရီ အပြင်က ခေါင်းဆောင်များ

နဂါးနှင့် သန်းမွှား

"ကမ္ဘာသမိုင်းမှာ ဒီနေ့လောက် ခေါင်းဆောင်ရှားပါးတဲ့ကာလမျိုး ရှိခဲ့ဖူးမယ်လို့ ကျွန်တော်မထင်ဘူး" မျက်မှောက်ခေတ် ပြင်သစ်သမိုင်းပညာရှင်များအနက် ထိပ်တန်းကပါဝင်သူ 'ယန်းလာကိုတူး' ၏ စကား ဖြစ်ပါသည်။ သူသည် ကမ္ဘာ့ခေါင်းဆောင်စာရင်းဝင်ဖြစ်သော ပြင်သစ်သမ္မတ ချားလ်စ်ဒီဂေါ၏ အတ္ထုပ္ပတ္တိကို ရေးသားသူလည်းဖြစ်သည်။
"ခေါင်းဆောင်တွေ တကယ်ရှိရက်သားနဲ့ ကျွန်တော်ကိုယ်တိုင် နမော်နမဲ့ဖြစ်ပြီး မတွေ့မိတာလားလို့ ပြန်ဆန်းစစ်ပါတယ်။ ဒီလိုလည်း မဟုတ်ပါဘူး။ ဘာကြောင့်လည်းဆိုတော့ ဒီကနေ့ ကျွန်တော်တို့ ရင်ဆိုင်တိုးနေရတဲ့ အခြေအနေဆိုးတွေကို ဘယ်သူကမှ ဦးဆောင်ဖြေရှင်းပေးတာ မတွေ့ရလို့ပါပဲ။ ကမ္ဘာ့ခေါင်းဆောင်ဆိုသူတွေလည်း ဘယ်သူမှရှေ့ ထွက်ပြီး ဦးမဆောင်ပါဘူး"
ယန်းလာကိုတူးနှင့် အမြင်တူသူ မနည်းပါလှပေ။ ယင်းတို့အနက် ဂျာမနီနိုင်ငံ ကိုလုန်းတက္ကသိုလ်က လူမှုဗေဒပါမောက္ခ အက်ဒွင်ရူးက ဤသို့ပြောသည်။
"ကမ္ဘာ့နိုင်ငံရေးလောကမှာ ရွက်ကြမ်းရေကြိုတွေပဲ ဦးဆောင်နေပုံပေါက်ပါတယ်။ စီးပွားရေး လုပ်ငန်း နယ်ပယ်မှာ ရှိတဲ့ ပီတာနိယာမ (Peter Principle) ဟာ ကမ္ဘာ့နိုင်ငံရေးနယ်ပယ်မှာပါ မှန်ကန်နေပုံပဲ။ ပီတာနိယာမက ဘာပြောသလဲဆိုတော့ လူရည်ထက်တွေကို ရွေးချယ်စရာမရှိရင် ရွက်ကြမ်းရေကြိုတွေပဲ တက်လာမှာပဲတဲ့"
၁၉၉၃ ခုနှစ် သမ္မတကလင်တန် အစိုးရဖွဲ့ပြီး လပိုင်းအကြာတွင် American Enterprise မဂ္ဂဇင်းကြီးက စစ်တမ်း တစ်ခု တင်ပြခဲ့သည်။ ထိုအချိန်မှာ ကမ္ဘာ့ထိပ်သီး စက်မှုနိုင်ငံ ခုနစ်နိုင်ငံ (G7) တို့က တိုကျိုတွင် အစည်းအဝေးလုပ်ရန် စိုင်းပြင်းနေချိန်ဖြစ်၏။ မိမိတို့ နိုင်ငံရေးခေါင်းဆောင်၏ ပဲ့ကိုင်ခေါ်ဆောင်ရာနောက်သို့ လိုက်ပါနေရသည့် မိမိတို့နိုင်ငံ၏ လားရာနှင့်ပတ်သက်ပြီး သက်ဆိုင်ရာ ပြည်သူပြည်သားတို့ထံ ဆန္ဒခံယူရာ အမေရိကန် ၇၁ ရာခိုင်နှုန်း၊ ကနေဒါ ၇၀ ရာခိုင်နှုန်း၊ ဗြိတိန် ၆၃ ရာခိုင်နှုန်း၊ ပြင်သစ် ၆၁ ရာခိုင်နှုန်းက 'သဘောမကျ၊ မလိုလားကြောင်း' တွေ့ရှိခဲ့ရပါသည်။ ထို့ကြောင့်ပင် အမေရိကန်နိုင်ငံခြားရေးဝန်ကြီးဌာနက ကမ်းလှမ်းလာသည့် ထိပ်တန်းရာထူးတစ်ခုကို လက်သင့်မခံ ငြင်းဆန်ခဲ့သူ မိုက်ကယ်မန်ဒယ်ဘောင်းက 'တိုကျိုမှာလုပ်မယ့် အစည်းအဝေးဟာ ကမ္ဘာပေါ်မှာ အားအကြီးဆုံးနိုင်ငံတွေရဲ့ အစည်းအဝေးဖြစ်ပြီး ကမ္ဘာပေါ်မှာ အားအပျော့ဆုံးခေါင်းဆောင်တွေရဲ့ အစည်းအဝေးလည်း ဖြစ်တယ်' ဟု ရက်ရက်စက်စက် ဝေဖန် ပြောဆို ခဲ့ခြင်းဖြစ်သည်။
စစ်တမ်းယူခဲ့သည့် အဆိုပါနိုင်ငံကြီးများတွင် ခေါင်းဆောင်ဖြစ်ဖို့ဆိုသည်မှာ လွယ်ကူလှသည် မဟုတ်ပါ။ နိုင်ငံသား အများစု၏ ရွေးချယ်တင်မြှောက်မှုဖြင့်သာ ခေါင်းဆောင်ဖြစ်ရသော စနစ်အောက်တွင် နိုင်ငံသားအများစု သဘောကျနှစ်သက်နှိုင်သည့် အရည်အသွေးများ မြင်သာထင်သာအောင် ပြသနှိုင်ဖို့ လိုသည်။ အထူးသဖြင့် G7 ၀င်နိုင်ငံမျိုးက နိုင်ငံသားတို့အနေနှင့် ကမ္ဘာကို ၀င်ဆန့်နှိုင်သည့် ပုဂ္ဂိုလ်မျိုးကိုသာ သူတို့ ခေါင်းဆောင်အဖြစ် လိုလားမည် အမှန်ပင်။ ထိုသို့ စိစိစစ်စစ် ရွေးချယ်ခဲ့ပါလျက် ခေါင်းဆောင်အဖြစ်သို့ ရောက်ရှိပြီး ဖင်မနွေးခင်မှာပင် နိုင်ငံသားအများစုတို့က မနှစ်လို့တော့ကြောင်း ပြသပြန်သည်ကား မှန်းချက်နှင့် နှမ်းထွက် မကိုက်မှုကြောင့်ဟုပင် ဆိုရပါလိမ့်မည်။
လန်ဒန်တိုင်းသတင်းစာ၏ ပင်တိုင်ဆောင်းပါးရှင် နောမန်စတုန်းက ယင်းအခြေအနေကို ဂျာမန် ဒဿနဆရာကြီးနီရှေး၏ စကားဖြင့် ဤသို့သရုပ်ဖော်သည်။ 'စိုက်ပျိုးတုန်းက နဂါးများ၊ ရိတ်သိမ်းရတော့ သန်းမွှား' ဟူ၍တည်း။

ခေါင်းဆောင်မှု စိန်ခေါ်သံ
ပြောင်းလဲမှုအရှိန်အဟုန် မြန်လွန်းထန်လွန်းသော မျက်မှောက်ကမ္ဘာကြီးအတွင်း၌ ခေါင်းဆောင်ရှားပါးမှုသည် ဖြစ်နှိုင်ကောင်းသော ခြင်းရာတစ်ရပ်ဟု ဆိုရမည်။ ပြောင်းလဲမှုနှင့်အတူ စိန်ခေါ်မှုအသစ်များ ပြဿနာ အသစ်များလည်း ဘွားကနဲ ဘွားကနဲ ဒွန်တွဲပေါ်ထွန်းလာသောကြောင့် ဖြစ်သည်။ ထို့ကြောင့် ကမ္ဘာ့ ခေါင်းဆောင်တစ်ယောက်၏အဖြစ်မှာ 'မဗေဒါက တစ်ပင်တည်း' ဆိုသည့်အဖြစ်ထက် ပိုမိုဆိုးဝါးဖွယ်ရှိသည်။ ပန်းပန်ဖို့ဝေးစွ၊ အထောင်အသောင်းသော ပြဿနာဘဲအုပ်တို့၏ အယက်အကန်ကြားဝယ် အပိုင်းပိုင်း ပြတ်တောက်ကြေမွပြီး လွင့်ပျောက်မသွားဖို့ပင် အတော်ကြီး ဘုရားတနေရမည့်ကိန်း။
သို့သော် စိန်ခေါ်နေသောပြဿနာတို့ကို အကောင်းဖက်မှ ရှုမြင်နှိုင်ပါသေးသည်။ စိန်ခေါ်မှုကို အခွင့်အလမ်း ကောင်းအဖြစ် ခံယူပြီး အောင်မြင်မှုကို ရယူနှိုင်ပါသည်။ အကြပ်အတည်းက ခေါင်းဆောင်ကို မွေးဖွား ပေးသည်ဆိုသော စကားသည် ဤသို့သော အလှည့်အပြောင်းကို ရည်ညွှန်းခြင်းမဟုတ်လော။ စိန်ခေါ်မှုတို့ကို ဦးဆောင်ရင်ဆိုင်၍ အောင်မြင်မှုကို ဦးဆောင်ရယူသူကိုပင် ခေါင်းဆောင်ဟု ခေါ်ဝေါ်သမုတ်ခြင်း မဟုတ် ပါလော။ စိန်ခေါ်မှုတို့ကြောင့် ခေါင်းဆောင်များရှိနှိုင်သကဲ့သို့ သစ်ထွန်းလာသော ခေါင်းဆောင်များလည်း ရှိမည် အမှန်ပင်။
စိန်ခေါ်မှုတို့ကား ကမ္ဘာ့နိုင်ငံရေးနယ်ပယ်၌သာ ရှိသည်မဟုတ်ပေ။ နယ်ပယ်အသီးသီးတွင် ရှိနေသည်။ နယ်ပယ်အသီးသီးတွင် ပြဿနာမျိုးစုံနှင့် ရှုပ်ထွေးပွေလီနေသောကြောင့် လက်ရှိကမ္ဘာ့အနေအထားကို ကမ္ဘာ့ပုံစံပျက်အသစ် (The New World Disorder) ဟုပင် ခေါ်ဝေါ်သူများ ရှိနေသည်။ သို့သော် နယ်ပယ်ပေါင်းစုံမှ စိန်ခေါ်သံပေါင်းစုံ ထွက်ပေါ်နေခြင်းကို လူသားတိုင်းအတွက် ခေါင်းဆောင်ဖြစ်ဖို့ အခွင့်အလမ်းများဟု မျှော်လင့်နှိုင်သည်။ လူမှုရေး စီးပွားရေး အိမ်ထောင်ရေးမှသည် ပညာရေး၊ နိုင်ငံရေး၊ ဘာသာရေးအဆုံး နယ်ပယ်အသီးသီးမှ သောသောညံညံ ထွက်ပေါ်နေသော စိန်ခေါ်သံတို့သည် ခေါင်းဆောင်သစ်တို့ကို လက်ယပ်ဖိတ်ခေါ်နေခြင်းပင်တည်း။

ဒဏ္ဍာရီနှင့် အမှန်တရား
ခေါင်းဆောင်မှုအတွက် စိန်ခေါ်သံတို့မည်မျှညံနေသော်လည်း လူများစုသည်ကား ကိုယ်နှင့်မဆိုင်သယောင် ဖာသိဖာသာနေကြသည်။ ဤသည်ပင် 'ခေါင်းဆောင်ရှားကမ္ဘာကြီး' အတွက် အနာဂတ်မဲ့ဖို့ အလားအလာဖြစ်နေသည်။ လူများစုအနေနှင့် ခေါင်းဆောင်မှုကို ရှောင်ရှားခြင်းသည် ဒဏ္ဍာရီတို့ လွှမ်းမိုးမှုကြောင့်ဟု ခေါင်းဆောင်မှုပညာရှင်တို့က ထောက်ပြကြသည်။ သူရသတ္တိကင်းမဲ့ခြင်းကြောင့်မဟုတ်။ စွမ်းဆောင်ရည်ချို့တဲ့သောကြောင့်မဟုတ်။ ခေါင်းဆောင်မှုနှင့် ပတ်သက်၍ လွဲလွဲမှားမှား ဒဏ္ဍာရီစကားတို့ကို ယုံမှတ်လက်ခံထားသောကြောင့်သာဟု ဆိုသည်။ ယုံတမ်းဒဏ္ဍာရီတို့ကား အမှန်တရားကို ဖုံးကွယ် ဖျောက်ဖျက် သည့် ကိရိယာတစ်မျိုး ဖြစ်၏။
ဒဏ္ဍာရီက ခေါင်းဆောင်ဟူသည် တန်ခိုးသိဒ္ဓိနှင့် ပြည့်စုံသော မဟာပါရမီရှင်များဖြစ်သည်ဟု ဆိုသည်။ အမှန်မူကား ခေါင်းဆောင်တို့၏စွမ်းအားသည် တန်ခိုးသိဒ္ဓိမှ လာသည်မဟုတ်။ ရည်မှန်းချက်တစ်ခုအပေါ် ပြင်းထန်စွာ သက်ဝင်ယုံကြည်မှုမှ လည်းကောင်း၊ မိမိ၏ ယုံကြည်ချက်ကို လက်တွေ့ အကောင်အထည် ဖော်လိုသည့် ဆန္ဒမှလည်းကောင်း ပေါ်ထွက်လာခြင်းသာ ဖြစ်သည်။
ဒဏ္ဍာရီက ခေါင်းဆောင်ဟူသည် တမန်တော်ပရောဖက်များကဲ့သို့ လာမည့်အနာဂတ်ကို အတိအကျ ဟောဖော်ညွှန်ပြနှိုင်သူဟု ဆိုသည်။ အမှန်မူကား ခေါင်းဆောင်ထံတွင် အနာဂတ်ရုပ်ပုံတစ်ခုရှိသည်ဆိုရာ၌ ယင်းအနာဂတ်ရုပ်ပုံသည် ထူးခြားဆန်းကြယ်သည့် စိတ်တန်ခိုးမှ ထွက်ပေါ်လာခြင်းမဟုတ်။ နောက်လိုက်တို့၏ ရည်မှန်းချက်နှင့် မိမိ၏ကိုယ်ပိုင်အတွေးအခေါ်တို့မှ ထွက်ပေါ်လာခြင်းသာဖြစ်သည်။
ဒဏ္ဍာရီက ခေါင်းဆောင်ဟူသည် အံ့မခန်းစွန့်စားမှုတို့ဖြင့် နောက်လိုက်တို့ကို ဆွဲဆောင်ကာ သူအလိုရှိရာသို့ ခေါ်သွားတတ်သူဟု ဆိုသည်။ အမှန်မူကား စွန့်စားခန်းတို့ဖြင့် ဆွဲဆောင်ခြင်းမဟုတ်။ နောက်လိုက်တို့၏ ရည်မှန်းချက်များကို လေးလေးစားစား တန်ဖိုးထားသောကြောင့် သူထံပါးသို့ နောက်လိုက်များ ၀န်းရံချဉ်းကပ်လာခြင်းသာ ဖြစ်သည်။
ဒဏ္ဍာရီက ခေါင်းဆောင်ဟူသည် ထိပ်ဆုံးတွင် တစ်ကိုယ်တည်း တည်ရှိသူဟု ဆိုသည်။ အမှန်မူကား ခေါင်းဆောင်တို့သည် နောက်လိုက်များနှင့် ဆွေမျိုးရင်းချာကဲ့သို့ ချစ်ခင်ရင်းနှီးစွာ နေထိုင်သူဖြစ်သည်။
ဒဏ္ဍာရီက ခေါင်းဆောင်ဟူသည် သူတပါးကို ထိမ်းချုပ်သူဖြစ်သည်ဟု ဆိုသည်။ အမှန်မူကား ခေါင်းဆောင် တို့သည် သူတစ်ပါးကို မထိမ်းချုပ်။ သူတစ်ပါးကို အစွမ်းထက်ထက် အလုပ်လုပ်လာနှိုင်အောင် အားပေး ကူညီသူသာ ဖြစ်သည်။
ဒဏ္ဍာရီတို့သည် ခေါင်းဆောင်ကို လူ့လောက၏အထက်သို့ ပို့ဆောင် ထားကြသည်။ ကောင်းကင်ဆန်သော အထွတ်အမြတ်နေရာ၌ တစ်သီးတစ်သန့် ထားကြသည်။ သို့သော် ခေါင်းဆောင်မှုသည် နေရာဌာနတစ်ခုမဟုတ်။ သက်ဝင်လှုပ်ရှားမှုဖြစ်စဉ်တစ်ခုသာ ဖြစ်၏။ ခေါင်းဆောင်၏ အနှစ်သာရကို နေရာဌာနဖြင့် ဖော်ကျူး၍မရ၊ လက်တွေ့အလုပ်တို့ဖြင့်သာ ဖော်ကျူးရပါမည်။

ခေါင်းဆောင်တို့၏ မဂ္ဂင်၅ပါး
ဒဏ္ဍာရီမာယာတို့၏ လွှမ်းမိုးဖမ်းစားမှုကို သုတ်သင်ဖယ်ရှားလိုက်မည်ဆိုလျှင် ခေါင်းဆောင်ဟူသည် လူထဲကလူသာဖြစ်ကြောင်း ထင်းထင်းကြီး မြင်သိပါမည်။ ခေါင်းဆောင်ဟူသည် မွေးရာပါ တန်ခိုးရှင်မဟုတ်။ ဗီဇပါသိဒ္ဓိရှင် မဟုတ်။ သို့သော် သူတို့၌ထူးခြားသော စွမ်းဆောင်အောင်မြင်ချက်များ ရှိသည်။ 'ခေါင်းဆောင်မှုစိန်ခေါ်သံ' ဟူသော စာအုပ်ကို ရေးသားသူ ဂျိမ်းကိုဇက်နှင့် ဘာရီပေါ့ဆနာတို့က ခေါင်းဆောင်တို့၏ ထူးကဲသော စွမ်းဆောင်အောင်မြင်ချက်များကို မြစ်ဖျားခံရာတွင် ခေါင်းဆောင်ဟူသမျှ၌ မချွတ်မယွင်းရှိနေသော ကျင့်စဉ်ငါးပါးကို တွေ့ရှိခဲ့ပါသည်။

၁။တည်ဆဲဖြစ်စဉ်ကို စိန်ခေါ်ခြင်း
ခေါင်းဆောင်မှုသည် အသေရပ်နေသော ဖြစ်စဉ်မဟုတ်။ လှုပ်ရှားရှင်သန်နေသော ဖြစ်စဉ်ဖြစ်၏။ ခေါင်းဆောင်အများစုက သူတို့၏ အောင်မြင်မှုသည် 'အချိန်ကိုက်နေရာကိုက်ဖြစ်ခြင်း' 'အခွင့်ကောင်းနှင့် ကြုံကြိုက်ခြင်း' ဟု အကြောင်းပြတတ်သည်။ သို့သော် မည်သည့်ခေါင်းဆောင်မျှ 'ကံကြမ္မာ၏မျက်နှာသာပေးမှု' ကို ငုတ်တုတ်ထိုင်စောင့်ပြီး မျှော်တလင့်လင့် လုပ်မနေကြ။ ဒဏ္ဍာရီထဲကခေါင်းဆောင်သည် အေးဆေး တည်ငြိမ်မှုရှိသော အစုအဖွဲ့ကိုကြည့်ပြီး သာယာကြည်နူးတတ်သူဖြစ်သော်လည်း လက်တွေ့ ခေါင်းဆောင် တို့သည်ကား တည်ဆဲအနေအထားကို ပြောင်းလဲပစ်ရေးအတွက် အစုအဖွဲ့ကို လှုပ်ရမ်းသူများ ဖြစ်နေကြသည်။
ခေါင်းဆောင်တို့သည် လက်ရှိအနေအထားကို တင်းတိမ်ရောင့်ရဲခြင်း မရှိတတ်။ ပိုမိုကောင်းမွန်သော အဆင့်သို့တက်ရန် နည်းလမ်းသစ်များ ရှာဖွေတွေ့ရှိဖို့အတွက် မသိကျွမ်းသော နယ်မြေစိမ်းများဆီသို့ ခြေချလိုသူများ ဖြစ်သည်။ ထို့ကြောင့် စိန်ခေါ်သံကို နားစိုက်သည်။ စိန်ခေါ်ချက်ကို ရှာဖွေသည်။ သို့မဟုတ် သူကိုယ်တိုင်က စိန်ခေါ်သံပေးလေသည်။

၂။ အများကြိုက်အနာဂတ်ရုပ်ပုံကို ဖန်တီးတင်ပြခြင်း
အနာဂတ်သည် မသေချာ မရေရာမှုတို့ပြည့်နေသော နယ်မြေစိမ်းတစ်ခုဖြစ်သည်။ ယင်းနယ်မြေစိမ်းသို့ သက်သာ ချောမောစွာ သွားနှိုင်သော လမ်းမရှိ။ ကန္တာရခရီးကြမ်းနှင့် ခရောင်းတောသာရှိသည်။ ထို့ကြောင့် ခေါင်းဆောင်သည် သူ၏ အမျှော်အမြင်ဖြင့် အနာဂတ်ကို အိပ်မက်မက်ကြည့်သည်။ စိတ်ကူးပုံဖော်ကြည့်သည်။ သို့ဖြင့် ဖြစ်သင့်ဖြစ်ထိုက်သော ဖြစ်နှိုင်ဖွယ်ရှိသော ဖြစ်စေချင်သော အနာဂတ်ရုပ်ပုံလွှာတစ်ခု ပေါ်ထွန်းလာသည်။ ခေါင်းဆောင်မှန်လျှင် ယင်းကဲ့သို့ အနာဂတ်ရုပ်ပုံလွှာတစ်ခုကို ကြည်လင်ပြတ်သားစွာ ပုံဖော်စိတ်ကူးနှိုင်ရမည်။
သို့သော် ကိုယ်တစ်ယောက်တည်း သိမြင်နေရုံနှင့် မလုံလောက်။ သူတစ်ပါးကို တင်ပြနှိုင်ရမည်။ အနာဂတ်ရုပ်ပုံကို ဖန်တီးပြီး အသက်သွင်းရမည်။ သူ၏ စိတ်ကူးအိပ်မက်သည် သူ့အစုအဖွဲ့၏ စိတ်ကူးအိပ်မက်အဖြစ်သို့ ရောက်ရှိရေးအတွက် ကြည်လင်ပြတ်သားသော ဖော်ကျူးတင်ပြမှုကို အားထုတ်ရမည်။ အနာဂတ်နှင့် ပတ်သက်၍ မရေမရာဖြစ်နေသူများ ၀ိုးတ၀ါးဖြစ်နေသူများ သို့မဟုတ် အနာဂတ်ပျောက်နေသူများအတွက် ခေါင်းဆောင်က တင်ပြသော အနာဂတ်ဒီဇိုင်းသည် တကယ့်အားဆေး။ 'အနာဂတ်ရုပ်ပုံမရှိလျှင် ပျက်စီးကြအံ့' ဟူသော ဘိုင်ဘယ်ကျမ်းလာစကားသည် ခေါင်းဆောင်တို့အတွက် လက်စွဲစကားဖြစ်၏။

၃။ အခြားသူတို့ ပါဝင်လုပ်ကိုင်အောင် အားပေးခြင်း
အနာဂတ်ကို အကောင်အထည်ဖော်ရာတွင် ကိုယ်တစ်ဦးတည်းနှင့် မဖြစ်နှိုင်သည်ကို ခေါင်းဆောင်တို့ သိကြသည်။ အစုအဖွဲ့အတွင်း ထူးကဲသော စွမ်းဆောင်အောင်မြင်မှုတို့ကို ရရှိနှိုင်ရေးအတွက် လုပ်ဖော်ကိုင်ဖက်များလိုအပ်သည်ကို သူတို့ မမေ့ကြ။ ထို့ကြောင့်ပင် ခေါင်းဆောင်တို့သည် မိသားစုကဲ့သို့ ရင်းနှီးခိုင်မာသော အစုအဖွဲ့များကို ဖန်တီးကြသည်။
ခေါင်းဆောင်တစ်ယောက်အဖို့ အောင်မြင်မှုဟူသည်မှာ 'မိမိ၏အောင်မြင်မှု' မဟုတ်ပေ။ 'မိမိတို့၏ အောင်မြင်မှု' သာဖြစ်သည်။ ထို့ကြောင့် စွမ်းဆောင်ချက်မှာလည်း 'မိမိ၏စွမ်းဆောင်ချက်' မဟုတ်။ 'မိမိတို့၏ စွမ်းဆောင်ချက်သာ' ဖြစ်၏။ ထို့ကြောင့် ခေါင်းဆောင်သည် မိမိ၏ နောက်လိုက်များ စွမ်းဆောင်ရည်ထက်မြက်ရေးကို အားပေးကူညီသည်။ ခေါင်းဆောင်၏ အားပေးမှုကြောင့်ပင် နောက်လိုက်များ၏ စွမ်းရည်များ တိုးပွားလာခြင်းနှင့်အတူ ထက်မြက်သော လုပ်ကိုင်မှုတို့လည်း ပေါ်ထွန်းလာခဲ့သည်။ နောက်ဆုံးတွင် ယင်းနောက်လိုက်တို့သည် ခေါင်းဆောင်များ ဖြစ်လာကြသတည်း။

၎။စံပြနမူနာဖြစ်ခြင်း
'အလုပ်အကိုင်က လုပ်ပိုင်ခွင့်ကို ပေးပြီး၊ အပြုအမူက လေးစားမှုကို ပေးသည်' ဟူသောစကားရှိ၏။ ခေါင်းဆောင်တို့က နောက်လိုက်တို့ကို အကဲဖြတ်သကဲ့သို့ နောက်လိုက်တို့ကလည်း ခေါင်းဆောင်ကို အကဲဖြတ်နေပါသည်။ နောက်လိုက်တို့အနေနှင့် ခေါင်းဆောင်၏ အပြုအမူသည် ခေါင်းဆောင်၏တန်ဖိုးကို ဖော်ပြချက်ဖြစ်သကဲ့သို့ မိမိတို့ဆောင်ရန်ရှောင်ရန် စံနမူနာများလည်း ဖြစ်နေသည်။ 'ငါတို့ခေါင်းဆောင်ဟာ သူပြောတဲ့အတိုင်း လက်တွေ့လုပ်ရဲ့လား' ဟူသောမေးခွန်းသည် နောက်လိုက်တို့သုံးသည့် မှတ်ကျောက် ပင်ဖြစ်၏။
အစုအဖွဲ့တစ်ခု၏ အောင်မြင်မှုရရှိရေးအတွက် စကားလုံးများ စီမံချက်များနှင့် လုံလောက်ခြင်းမရှိပါ။ ခေါင်းဆောင်တို့သည် မိမိ၏ယုံကြည်ချက်တို့ကို ကိုယ်တိုင် သရုပ်ဖော်ပြကြသည်။ အပြောကို လက်တွေ့လုပ်ပြကြသည်။ အပြောနှင့်အလုပ် တစ်ထပ်တည်းကျခြင်းသည်ပင် ခေါင်းဆောင်၏ ယုံကြည်စိတ်ချရမှု ဖြစ်လေသတည်း။

၅။စိတ်ဓာတ်ခွန်အား တိုးမြှင့်ပေးခြင်း
အောင်မြင်မှုသို့သွားရာလမ်းသည် ခက်ထန်ကြမ်းတမ်းသော တောင်ထွတ်တောင်ထိပ်သို့ တက်ရသည်နှင့် အလားတူသည်။ ပင်ပန်းဆင်းရဲမှုကို ဇွဲရှိရှိနှင့် ဖြတ်ကျော်နှိုင်ဖို့ လိုအပ်သည်။ ခေါင်းဆောင် နောက် လုိက်ပါသူ တို့မှာ လမ်းခုလပ်တွင်ပင် အားအင်ကုန်ခမ်းသွားတတ်သည်။ လက်လျှော့သွားတတ်သည်။ ထို့ကြောင့် နောက်လိုက်များ ရှေ့သို့ ဆက်လက်လိုက်ပါလာအောင် ခေါင်းဆောင်တို့သည် စိတ်ဓာတ်ခွန်အား သွင်းပေး ကြသည်။
ကုမ္ပဏီကြီးတစ်ခု၏ အမှုဆောင်အရာရှိချုပ်ဖြစ်သူ ဇဖီရိုပိုလိုက သူ၏၀န်ထမ်း ၂၀၀၀ ကျော်ကို နှစ်ပတ်လည် ဆုကြေးပေးအပ်ရာတွင် တကယ့်အခန်းအနားကြီးလုပ်ပြီး ပေးသည်။ 'ဆုကြေးပေးလျှင် စာတိုက်ကပို့ပြီး ပေးတာမျိုး မလုပ်ပါနှင့်။ အခန်းအနားနှင့် ပေးပါ' ဟူသော စကားကို သူလက်ကိုင်ထားသည့် စိတ်ဓာတ် ခွန်အားသွင်းနည်း တစ်မျိုးဖြစ်ပါ၏။
နောက်လိုက်တို့အနေနှင့် မိမိတို့လုပ်ခဲ့ပြီးသမျှအပေါ် ခေါင်းဆောင်တို့က အသိအမှတ်ပြု တန်ဖိုးထား ခြင်းလောက် စိတ်အားတတ်စရာ မရှိ။ ဤအချက်ကို ခေါင်းဆောင်တို့ သိကြသည်။ ကိုယ့်ကိုကိုယ် အောင်ပွဲနှင့် ထိုက်တန်သူများအဖြစ် သဘောပေါက်လာကြသည်။ ယင်းသို့ သဘောပေါက်သွားသူတို့အဖို့ ခေါင်းဆောင်၏ နောက်သို့ ဆက်မလိုက်ဘဲ လက်လျှော့ကျန်ရစ်ခြင်းလောက် ရှက်စရာအလုပ်မျိုးမရှိပြီ။ စိတ်ဓာတ် ခွန်အားသွင်းပေးနှိုင်သော ခေါင်းဆောင်နောက်က လိုက်ပါရခြင်းသည် စိတ်ပျက်စရာမကောင်းဘဲ ပျော်ရွှင်ဖွယ် ကောင်း နေသည်။ ထပ်ရောက်မှ ပျော်ရွှင်မှုကို ရရှိသည်မဟုတ်။ တောင်တက်ရင်းနှင့်ပင် ပျော်ရွှင်မှု ရနေသည်။ စင်စစ် ယင်းသည်ပင် အောင်မြင်မှုပေတည်း။

နောက်လိုက်တို့၏မျှော်လင့်ချက်
အစုအဖွဲ့တို့အတွင်း၌ ထူးကဲသော အောင်မြင်မှုကို ရရှိစေနှိုင်ခဲ့သော ခေါင်းဆောင်မှန်သမျှ၏ အကျင့်အကြံ ငါးမျိုးကား 'ခေါင်းဆောင်မှု' ဟူသော ဇတ်ထုပ်၏ တစ်ဝက်မျှသာဖြစ်ပါ၏။ စင်စစ် 'ခေါင်းဆောင်မှု' သည် ခေါင်းဆောင်တို့၏ အကြောင်းအရာသက်သက် မဟုတ်ပါ။ ခေါင်းဆောင်မှုတွင် နောက်လိုက်တို့၏ အကြောင်းအရာလည်း ပါဝင်ပါသည်။ တစ်စုံတစ်ယောက်ထံတွင် ခေါင်းဆောင်မှုဂုဏ်ရည်များ ရှိမရှိကို ဆုံးဖြတ်သူကား နောက်လိုက်တို့ပင် ဖြစ်ပေ၏။ မည်သူခေါင်းဆောင်ဖြစ်သင့်သည် မည်သူ ခေါင်းဆောင် ဖြစ်ထိုက်သည်ကို နောက်ဆုံး ဆုံးဖြတ်ပြဌာန်းပေးမည့်သူကား နောက်လိုက်တို့သာဖြစ်၏။ ခေါင်းဆောင်မှု ဟူသည် နောက်လိုက်တို့၏ မြင်ကွင်းထဲ၌သာ ရှိသောအရာဖြစ်ပါသည်။
အမေရိကန် စီမံခန့်ခွဲမှုအသင်းကြီးက ကြီးမှူး၍ မန်နေဂျာ ၁၅၀၀ ကို စစ်တမ်းထုတ်ခဲ့သည်။ 'မိမိ၏ အထက် ခေါင်းဆောင်ထံတွင် မည်သည့်ဂုဏ်ရည်တို့ကို အနှစ်သက်ဆုံးဖြစ်သနည်း' ဟူသောမေးခွန်းဖြင့် စစ်တမ်း ကောက်ယူခဲ့သည်။ ယင်းမေးခွန်းနှင့်အတူ ဂုဏ်ရည်ပေါင်း ၂၂၅ မျိုးကိုလည်း ဖော်ပြခဲ့သည်။ ရိုးသားမှု၊ ကျွမ်းကျင်မှု၊ ဦးဆောင်နှိုင်မှု၊ သဘောထားကြီးမှု စသည်ဖြင့်။
တစ်ဖန် ပြည်ထောင်စု စီမံခန့်ခွဲရေးတက္ကသိုလ် ကျောင်းသားဟောင်းများအဖွဲ့ကလည်း အလားတူ မေးခွန်းမျိုးနှင့်ပင် ပြည်ထောင်စု အစိုးရအတွင်းရှိ အကြီးတန်းအမှုဆောင်အရာရှိပေါင်း ၈၀၀ ကို စစ်တမ်း ကောက်ခဲ့သည်။ စင်တာကလာရာတက္ကသိုလ်နှင့် တခြားနေရာများတွင် ပြုလုပ်သော စီမံခန့်ခွဲရေး နှီးနှော ဖလှယ်ပွဲ များတွင် တက်ရောက်လာသည့် ထပ်တန်းမန်နေဂျာပေါင်း ၂၆၁၅ ယောက်ကိုလည်း အလားတူ စစ်တမ်း ကောက်ယူကြည့်သည်။ နောက်ဆုံးစစ်တမ်း၌ ရရှိသောအဖြေကား အောက်ပါအတိုင်းဖြစ်၏။
၁။ ရိုးသားမှု ၈၃%
၂။ ကျွမ်းကျင်မှု ၆၇%
၃။ ရှေ့ရေးမျှော်တွေးပြင်ဆင်မှု၆၂%
၎။ အားပေးလှုံ့ဆော်တတ်မှု
၅။ အသိပညာရှိမှု၄၃%
၆။ မျှတမှု၄၀%
၇။ သဘောထားကြီးမှု၃၇%
၈။ ပွင့်လင်းမှု၃၄%
၉။ စိတ်ကူးစိတ်သန်းကောင်းမှု၃၄%
၁၀။ မှီခိုအားထားနှိုင်မှု ၃၃%

ယုံကြည်မှု ပဓာန
စစ်တမ်းမှန်သမျှတို့တွင် နောက်လိုက်တို့ အလိုလားအနှစ်သက်ဆုံး ခေါင်းဆောင်ဂုဏ်ရည်သည် 'ရိုးသားမှု' ဖြစ်ပါသည်။ ထိုနောက်မှာ 'ကျွမ်းကျင်မှု' လိုက်သည်။ ထိုက်နောက်မှာမှ 'အမျှော်အမြင်' လိုက်သည်။ ထို့နောက်မှာမှ 'အားပေးလှုံ့ဆော်မှု' လိုက်သည်။ ထိပ်ဆုံးဂုဏ်ရည်လေးချက်ကို ပူးပေါင်းလိုက်သော် 'ယုံကြည်စိတ်ချရမှု' ဟူ၍ အဖြေထွက်လာပါတော့သည်။
နောက်လိုက်မှန်သမျှသည် ခေါင်းဆောင်တစ်ယောက်၏နောက်သို့ ယုံကြည်စိတ်ချရမှုဖြင့် လိုက်ပါနေ ခြင်းဖြစ်သည်။ ငွေကြေးသက်သက်ကြောင့် လိုက်နေခြင်းမဟုတ်။ မန်နေဂျာနှင့် ခေါင်းဆောင်တို့၏ ခြားနားချက် သည် ဤနေရာတွင် ထင်ရှားသည်။ မန်နေဂျာတစ်ယောက်သည် သူလက်အောက်ဝန်ထမ်းကို ဆုပေး ဒဏ်ပေး စနစ်ဖြင့် ခိုင်းစေပေလိမ့်မည်။ သူခိုင်းသည့်အတိုင်း လုပ်အောင် လစာတိုးပေးခြင်း၊ ရာထူးတိုးခြင်း၊ ဆုကြေး ပေးခြင်း စသည့်ဆုလာဘ်တို့ဖြင့် ဖျားယောင်းပါမည်။ လစာဖြတ်ခြင်း၊ ရာထူးလျှော့ခြင်း၊ အလုပ်ဖြုတ်ခြင်း စသည့် ပြစ်ဒဏ်တို့ဖြင့် ခြိမ်းခြောက်ပါမည်။
ခေါင်းဆောင်ကား ထိုသို့လုပ်မည်မဟုတ်။ ခေါင်းဆောင်မှု၏ အနှစ်သာရသည် လုပ်သင့် သည်ဟု သဘောပေါက် ထားသော အလုပ်တစ်ခုကို နောက်လိုက်တို့ လိုက်ပါလုပ်ဆောင်ချင်စိတ် ပေါ်လာအောင် လုပ်သည့် အတတ်ပညာ ဖြစ်၏။ ထို့ကြောင့် နောက်လိုက်တို့ကို သူနှင့်အတူ လိုက်ပါချင်စိတ်ပေါ်လာအောင် လုပ်သည့် အတတ်ပညာဖြစ်၏။ ထို့ကြောင့် နောက်လိုက်တို့ကို သူနှင့်အတူ လိုက်ပါချင်စိတ်ပေါ်လာအောင် ခေါင်းဆောင်တို့ ဦးဆုံးလုပ်သည့်အလုပ်မှာ 'နောက်လိုက်တို့၏ ယုံကြည်စိတ်ချမှု' ခံယူရရှိရေး ဖြစ်ပေသည်။ ခေါင်းဆောင်သည် 'ယုံကြည်စိတ်ချရသူ' ဖြစ်ကြောင်း အလုပ်ဖြင့် သက်သေပြသည်။ ယင်းအလုပ်တို့ကား တည်ဆဲဖြစ်စဉ်ကို စိန်ခေါ်ခြင်း၊ အများလက်ခံနှိုင်မည့် အနာဂတ်ရုပ်ပုံကို ဖန်တီးတင်ပြခြင်း၊ အခြားသူတို့ကို ပါဝင်လုပ်ကိုင်အောင် အားပေးခြင်း၊ စံနမူနာပြဖြစ်ခြင်း၊ စိတ်ဓာတ်ခွန်အား တိုးမြှင့်ပေးခြင်း စသည့် မဂ္ဂင်ငါးပါးပင် ဖြစ်ပေသတည်း။

အဇ္ဈတ္တမှသည် အနာဂတ်ကမ္ဘာသို့
ခေါင်းဆောင်လိုစိတ်ရှိခြင်းနှင့် ခေါင်းဆောင်နှိုင်မည်ဟု ယုံကြည်ချင်းတို့သည် ခေါင်းဆောင်မှုသို့ သွားရာလမ်း၏ တာထွက်အစ ဖြစ်ပါ၏။ ခေါင်းဆောင်မှုသည် အနုပညာတစ်ရပ်ဖြစ်သည်။ ယင်းအနုပညာကား ကိုယ်တိုင်သရုပ်ဆောင်ရသော အနုပညာ။ အနုပညာရှင်တို့၌ သူ၏အနုပညာကို ဖော်ကျူးရန် ကိရိယာကိုယ်စီ ရှိကြသည်။ ဂီတပညာရှင်၌ တူရိယာများရှိသည်။ ပန်းချီပညာရှင်၌ စုတ်တံနှင့် ဆေးများရှိသည်။ ခေါင်းဆောင်မှုအနုပညာရှင်၌ကား သူကိုယ်တိုင်သည် သူ၏ကိရိယာ ဖြစ်ပေတော့၏။ ခေါင်းဆောင်မှု အနုပညာကို ကျွမ်းကျင်ပိုင်နိုင်ခြင်းဟူသည် မိမိကိုယ်ကို ကျွမ်းကျင်ပိုင်နိုင်ခြင်းပင် ဖြစ်သည်။ အဆုံးစွန်အားဖြင့် ခေါင်းဆောင်မှု ဖွံ့ဖြိုးခြင်းသည် မိမိအတ္တ တိုးတက်ဖွံ့ဖြိုးမှုပင် ဖြစ်ပေ၏။
လေ့လာချက်တို့အရ ခေါင်းဆောင်တို့တွင် ထူးခြားသော အကျင့်အကြံနှင့် ထူးခြားသော ဂုဏ်ရည်တို့ရှိကြောင်း ထင်ရှားသည်။ ထူးခြားသောအကျင့်အကြံနှင့် ထူးခြားသောဂုဏ်ရည်ဟုဆိုရသော်လည်း သာမန် လူတိုင်း စွမ်းဆောင်နှိုင်သော အကျင့်အကြံများချည်းသာ ဖြစ်၏။ သာမန်လူတိုင်း ပိုင်ဆိုင်ရရှိနှိုင်သော ဂုဏ်ရည်များသာ ဖြစ်၏။ လူထက်လွန်သော အကျင့်အကြံနှင့် ဂုဏ်ရည်များ မဟုတ်ကြ။
သို့သော် ယင်းအကျင့်အကြံနှင့် ဂုဏ်ရည်များမရှိဘဲလျက်နှင့် ခေါင်းဆောင်ဖြစ်ချင်၍ကား မရ။ မိမိကိုယ်ကိုသာ အားကိုးရမည်ဖြစ်၏။ ဤသည်ပင် ဗုဒ္ဓဘာသာဝင်များအတွက်ကား အခွင့်ကောင်းဟုဆိုရပေမည်။ အဘယ်ကြောင့် ဆိုသော် ဗုဒ္ဓဘာသာဝင်တို့၏ အခြေခံခံယူချက်သည် 'မိမိမှတစ်ပါး အားထားကိုးကွယ်ရာမရှိ' ဟူ၍ဖြစ်ပြီး ဗုဒ္ဓဘာသာဝင်တို့၏ နောက်ဆုံးပန်းတိုင်သည် 'မိမိကိုယ်ကို ပိုင်နိုင်ရေး' ပင်ဖြစ်သောကြောင့်တည်း။
မျက်မှောက်ကမ္ဘာကြီးကား အရှိန်အဟုန်ကြီးစွာပြောင်းလဲနေသည်။ ယင်းပြောင်းလဲမှုသည် နယ်ပယ်အသီးသီးကို ရိုက်ခတ်နေသည်။ ပုဂ္ဂလိက တစ်ဦးချင်းမှအစ အိမ်ထောင်ရေး၊ နိုင်ငံရေး၊ ကမ္ဘာရေးအစုအဖွဲ့တို့အဆုံး ပြောင်းလဲမှုဒဏ်ကြောင့် သိမ့်သိမ့်တုန်နေသည်။ ယင်းကို 'အနာဂတ်သွေးလန့်မှု' ရောဂါအမည်တပ်သူက တပ်သည်။ သို့သော် ခေါင်းဆောင်တို့သည် အနာဂတ်ကို မထိတ်လန့်။ အဘယ်ကြောင့် ထိတ်လန့်မည်နည်း။ အနာဂတ်သည် ခေါင်းဆောင်တို့၏ ကြီးစိုးရာနယ်ပယ်ဖြစ်သည် မဟုတ်ပါလော။
'ကျွန်ုပ်သည် တောင်တန်းကြီးကို အောင်နိုင်သည်မဟုတ်။ ကိုယ့်ကိုယ်ကိုယ် အောင်နိုင်ခြင်းသာ ဖြစ်သည်။ ကိုယ့်ကြောက်ရွံ့စိတ်၊ ကိုယ့်သံသယစိတ်များကို အောင်နိုင်ခြင်းသာဖြစ်သည်' ဟု ဧ၀ရက်တောင်ကို ဦးဆုံး တက်ခဲ့သူ ဂျင်ဝှစ်တိတ်ကားက ပြောသည်။
ကျွန်တော်တို့လူသားများသည်လည်း မိမိကိုယ်ကို အောင်နိုင်ခြင်းဖြင့် အနာဂတ်ကမ္ဘာကြီးကို ဦးဆောင်နှိုင်ရမည် ဖြစ်ပါ သတည်း။

မောင်သာမည

Where Have All The Leaders Gone?
By James Walsh
The Leadership Challenge By J.M. Kouzed And B.Z. Posner

(အထက်ပါစာတမ်းကို ABSDF ကျောင်းသားတပ်မတော် လေ့လာရေးစာစဉ် အမှတ် (၄) တွင် ဖော်ပြခဲ့ ဖူးပါသည်။)

၂၀၁၀ ရွေးကောက်ပွဲက ဖန်တည်း နိုင်တဲ့ အပြောင်းအလဲ တခု

မတ်လ(၁၇) ရက်၊ ၂၀၀၉
၂ဝ၁ဝ ရွေးကောက်ပွဲနဲ့ နီးလာလေလေ တချို့လူတွေ မရိုးမရွဖြစ်လေ ဖြစ်နေတာကို ဒီနေ့တွေ့နေရပါတယ်။ ပြည်သူလူထုက နည်းနည်းမှ စိတ်မဝင်စားတဲ့ ဒီရွေးကောက်ပွဲကို အင်အားစုပေါင်းစုံက အမျိုးမျိုး တုံ့ပြန် နေကြ ပုံတွေဟာ စိတ်ဝင်စားစရာတော့ အကောင်းသားလို့ ပြောရမလို ဖြစ်နေပါတယ်။

၁၉၉ဝ ပြည့်နှစ်ရွေးကောက်ပွဲမှာ အပြတ်အသတ်အနိုင်ရပြီးမှ စစ်အစိုးရက အသိအမှတ်ပြုတာ ငြင်းပယ် ခြင်းခံရတဲ့ အမျိုးသားဒီမိုကရေစီအဖွဲ့ချုပ်က ဒီကိစ္စကို စကားထဲတောင် ထည့်အပြောမခံပါဘူး။ ပြည်ပရောက် အင်အားစုတွေထဲမှာ တချို့က ရွေးကောက်ပွဲကို အသိအမှတ်မပြုဘူးလို့ ကြေညာနေကြသလို တချို့ ကတော့လည်း “နှစ်ခါခေါ်မှ” ဆိုတာမျိုး ညိုမြလုပ်နေကြပါတယ်။ ပြည်တွင်းမှာလည်း နအဖက အသံလေးပေး လိုက်တာနဲ့ ချို(ဂျို) ကြွနေကြ သူတွေဟာ ရွေးကောက်ပွဲဝင်ရေးစီမံကိန်းတွေကို ပြောင်ကြေညာ လုပ်ကိုင်နေကြပါပြီ။ တချို့ကတော့လည်း ရွေးကောက်ပွဲဥပဒေ ထွက်မလာသေးလို့ဆိုပြီး လည်ပင်း ကိုးတောင်ကျော် မျှော်တော်ယောင် လုပ်နေကြပါတယ်။ ဒါ့အပြင် ပြည်တွင်းရောပြည်ပမှာပါ နအဖကတောင် မောင်မောင် မခေါ်သေးဘူး ‘ဗျာ’ ထူးပြီးနေပြီ ဆိုတဲ့လူမျိုးတွေလည်း မနည်းဘူး တွေ့နေရပါတယ်။

ပြောရရင် ဒီမျှော်တော်ယောင်လုပ်နေသူတွေအဖို့တော့ ၂ဝဝ၈ ဖွဲ့စည်းပုံအခြေခံဥပဒေဟာ ဘာမှ ပြဿနာ မရှိပါဘူး။ သူတို့အဖို့ သူတို့လိုချင်တဲ့ အမတ်နေရာလေး တခုနှစ်ခုကိစ္စပဲ အရေးကြီးပါတယ်။ တပြည်လုံး ဘာဖြစ်သွား မလဲ ဆိုတာ အရေးမကြီးပါဘူး။ တချို့ကဆိုရင် အမျိုးသားဒီမိုကရေစီအဖွဲ့ချုပ်ဝင်မပါတဲ့ ရွေးကောက်ပွဲမှာ မဲဆန္ဒရှင် တွေဟာ နအဖဘက်ရဲ့ အမတ်လောင်းနဲ့ ယှဉ်ပြိုင် အရွေးခံသူ ဘယ်သူ့ကိုမဆို မဲပေး မှာပဲ။ ဒါကြောင့် နိုင်ဖို့ အလားအလာ အများကြီးရှိတယ်လို့ ကိုယ့်ကိုယ်ကိုယ် တွက်ကြဟန်တူပါတယ်။ ဒါကြောင့် သူတို့တတွေက တက်ကြွနေကြတာပါ။ ဒါပေမယ့် ၂ဝဝ၈ ဖွဲ့စည်းပုံကို အခြေခံကျကျ ဆန့်ကျင်သူတွေကျတော့ နအဖရဲ့ ဒီဖွဲ့စည်းပုံ အခြေခံဥပဒေဟာ တကယ့်ပြဿနာကြီး ဖြစ်နေပါတယ်။

စစ်ဗိုလ်ချုပ်တွေက သေနတ်ပြပြီး မဲထည့်ခိုင်းထားတဲ့ ဒီဖွဲ့စည်းပုံအခြေခံဥပဒေမှာ နိဒါန်းကနေ နောက်ဆုံး အခန်း (၁၅) အထိ ပြဿနာတွေ ဒင်းကြမ်းပဲဖြစ်ပါတယ်။ နိဒါန်းတခုလုံးရဲ့ အနှစ်သာရဟာ သူတို့ရဲ့ “အမျိုးသား ညီလာခံ” ဆိုတာကြီးက ချမှတ်တဲ့ အခြေခံမူတွေ၊ အသေးစိတ်မူတွေကို အတင်းလက်ခံခိုင်းပြီး “ပြည်လုံးကျွတ် ဆန္ဒခံယူပွဲ” ရလဒ်ကို အတည်ပြုပေးပါတယ်လို့ အတင်းလက်ခံ သဘောတူခိုင်းတာပဲဖြစ်ပါတယ်။ တနည်း ပြောရရင် သူတို့ကြိုက်တဲ့ လူတွေနဲ့ ကြိုက်သလိုလုပ်ခဲ့ကြတဲ့ “အမျိုးသားညီလာခံ” ဆိုတာကြီးကိုပါ အသိအမှတ် ပြုခိုင်းတာ ဖြစ်ပါတယ်။

ဒီဖွဲ့စည်းပုံအခြေခံဥပဒေရဲ့ အခန်း (၁၄) မှာကျတော့ နဝတ-နအဖ အာဏာရစစ်ဗိုလ်ချုပ်တွေက မာရှယ်လော ခေတ်မှာ တတိုင်းပြည်လုံး ဗြောင်းဆန်အောင် သူတို့လုပ်ချင်တိုင်း လုပ်ခဲ့သမျှကို သင်ပုန်းချေ၊ လွတ်ငြိမ်းခွင့် ပေးထားတာဖြစ်ပါတယ်။ ဒါ့အပြင် သူတို့ထုတ်ပြန်ခဲ့တဲ့ ဥပဒေအမိန့်တွေကိုလည်း ဆက်လက်အတည်ပြု လက်ခံသွားရမယ်လို့ တောင်းဆိုထားပါတယ်။ ဒါက ဒီ ဖွဲ့စည်းပုံအခြေခံဥပဒေရဲ့ ထိပ်နဲ့ဘိတ်ကိုသာ အလွယ်မြင်သာအောင် ထောက်ပြထားတာဖြစ်ပါတယ်။ တကယ်ကျတော့ ဒီဥပဒေတခုလုံး၊ တအုပ်လုံး၊ အခန်းတိုင်းကို သေချာကြည့်လိုက်ရင် ဗမာပြည်မှာ စစ်အာဏာရှင်စနစ် တည်မြဲနေရေးအတွက် ရေးထားတာ ချည့် ဖြစ်ပါတယ်။

ဒါကြောင့် ဒီဖွဲ့စည်းအုပ်ချုပ်ပုံဥပဒေကို ဘယ်လိုသဘောထားတယ်၊ ကြည့်မြင်တယ်ဆိုတာဟာ ဒီနေ့ နိုင်ငံရေးမှာ အင်မတန် အဓိကကျတဲ့ စံတခုဖြစ်နေပါတယ်။ ဒီတကွေ့မှာ ဒီဖွဲ့စည်းအုပ်ချုပ်ပုံဥပဒေကို ထောက် ခံတယ် (နအဖ အုပ်ချုပ်မှုအောက်မှာ နေရလို့ ပြောင် မဆန့်ကျင် နိုင်သူတွေကို မဆိုလိုပါ)၊ မထောက်ခံဘူးဆိုတာဟာ ရပ်တည်ချက် ပြဿနာဖြစ်နေပါတယ်။ မူဆိုင်ရာပြဿနာလည်း ဖြစ်ပါတယ်။ စစ်အာဏာရှင်စနစ်ကို ရေရှည်ကမ္ဘာတည်အောင် စီမံထားမှန်း ဒါလောက် သိသာနေပါလျက်နဲ့ ဒီဖွဲ့စည်းအုပ်ချုပ်ပုံ ဥပဒေကို ထောက်ခံ တယ်ဆိုတာဟာ သာမာန်သဘောထား ပြဿနာ မဟုတ်ပါဘူး။ နအဖနဲ့ တွေ့ဆုံစကားပြောရေးကို တောင်းဆိုနေကြ တဲ့အချိန်မှာ မတွေ့ဆုံ၊ စကားမပြောရဘဲ သူတို့ချပြတဲ့ အချက်တွေကိုပဲ တချိုးတည်း လက်ခံ လိုက်တာမျိုးဖြစ်နေတော့ ဒါဟာ ဘယ်အဓိပ္ပာယ်သက်ရောက်သလဲ စဉ်းစားစရာဖြစ်ပါတယ်။ တဖက်က ပစ်ပေးတာကို အလုံးလိုက် အခဲလိုက် မျိုချသလိုဖြစ်နေတာကို အားမနာတမ်းပြောရရင် ဒါဟာ ၁၉၈၈ ခုနှစ် အရေးတော်ပုံနဲ့ လက်ရှိပြည်သူ့အရေးတော်ပုံ တို့ကို သစ္စာဖောက်ရာကျပါတယ်။ ထောင်ထဲရောက်ဖူးသူတွေ အနေနဲ့ဆိုရင် “ပေးတာယူ၊ ကျွေးတာစား၊ စကား မများနဲ့”ဆိုတဲ့ အင်မတန်နားခါးစရာ ကောင်းတဲ့ ဆူငေါက်သံ တွေကို ပြန်သတိရကြမှာပါ။

နောက်တွေ့နေရတာတခုက ဒီရွေးကောက်ပွဲအကြောင်းကိုပဲပြောပြီး လူတွေကို ဒီကိစ္စထဲမှာပဲနစ်နေ၊ အာရုံ မျောနေ အောင်လုပ်တာပါပဲ။ အဓိကလုပ်ရမယ့် နအဖဆန့်ကျင်ရေးကွန်ရက်တည်ဆောက်ရေး၊ တက်ကြွသူ ဖော်ထုတ်ရေး၊ ကွန်ရက်တွေချိတ်ဆက်ရေး စတဲ့လုပ်ငန်းတွေကို ဘေးချပြီး ဒီရွေးကောက်ပွဲကိစ္စကိုပဲ ရေးကြီး ခွန်းကျယ်၊ တကယ့်နိုင်ငံရေးလုပ်ငန်းကြီးလို ဖြစ်အောင် တမင်လုပ်နေသူတွေ ရှိနေပါတယ်။ သူတို့ဟာ နအဖက ခိုင်းလို့များ လုပ်နေတာလားလို့တောင် စဉ်းစားစရာဖြစ်ပါတယ်။ တချို့ကဆိုရင် ဒါဟာ နောက်ဆုံးရထား မမီ လိုက်မရှိစေနဲ့လို့ လက်ယပ်ခေါ်လို့များတောင် နေပါတယ်။

အခုအချိန်အထိ နအဖစစ်အစိုးရက ရွေးကောက်ပွဲဥပဒေ၊ ပါတီထူထောင်ခွင့်ဥပဒေ စတာတွေနဲ့ ပတ်သက်လို့ ဘာမှ မပြောသေးတာဟာ သူတို့စစ်တပ်ထဲက ဘယ်သူတွေကို ဘာတာဝန်ယူခိုင်းရမယ်၊ ဘာပါတီ နာမည် ခံခိုင်းရမယ်၊ ဘယ်ဒေသမှာ အမတ်ဝင်ရွေးခိုင်းရမယ်၊ ဘာဝန်ကြီးလုပ်ရမယ် စတဲ့ နေရာချထားမှုတွေ မပြီးပြတ် သေးလို့သာ ဖြစ်ပါတယ်။ သူတို့အနေနဲ့ တပ်တွင်းရော၊ တပ်ပြင်ပါ အများကြီး ကုလားဖန်ထိုးရအုန်းမှာဖြစ်ပါတယ်။ ဒီတခါ ကျင်းပမယ့် လေးလပတ်အစည်းအဝေးမှာတောင်မှ ပြတ်ပါ့မလား မသိပါဘူး။ ဒါမျိုးဟာ အဝေ မတည့်ရင်တသက်လုံး မပြေနိုင်တဲ့ရန်ညှိုးဖြစ်သွားနိုင်တယ်၊ ဂိုဏ်းဂဏကြီးတွေ ဖြစ်သွားနိုင်တယ်ဆိုတာ အာဏာရှင် စစ်ဗိုလ်ချုပ်တွေ အသိဆုံးပဲဖြစ်ပါတယ်။

နအဖစစ်အစိုးရဟာ ဒီရွေးကောက်ပွဲကို လာရောက်စစ်ဆေးနိုင်ပါတယ်လို့ “အင်မတန်သဘောထားကြီးစွာ” ပြောနေတာ၊ ပြည်တွင်းပြည်ပရှိ ဗမာနိုင်ငံသားတွေ၊ အပစ်အခတ်ရပ်စဲရေးအဖွဲ့တွေအပါကို ရွေးကောက်ပွဲဝင်ဖို့ တိုက်တွန်းနေတာ စတာတွေကို ထောက်ရင် ဒင်းတို့တတွေ ဒီရွေးကောက်ပွဲအပေါ်မှာ မျှော်လင့်ချက် အများကြီး ထားတယ် ဆိုတာကို တွေ့နိုင်ပါမယ်။ သူတို့အနေနဲ့ ဒီရွေးကောက်ပွဲကို ဖြတ်သန်းလိုက်တာနဲ့ သူတို့ရဲ့ စစ်အာဏာရှင် အစိုးရဟာ နတ်ရေကန်ထဲခုန်ချလိုက်သလို နိုင်ငံတကာအသိုင်းအဝိုင်းထဲမှာ ဝင်ဆံ့တဲ့ အရပ်သား အစိုးရတရပ် ဖြစ်သွားမယ်လို့ ယူဆနေပါတယ်။ ဒါ့အပြင် သူတို့လူတွေသာ နေရာများများ အနိုင်ရ လိုက်လို့ကတော့ ဗိုလ်သန်းရွှေ တို့တတွေက “သားရွှေအိုး ထမ်းလာတာတွေ့ရတယ်” လို့ ယူဆသွားမှာပါ။

ဒီတော့ ၂ဝ၁ဝ ရွေးကောက်ပွဲကို ဝင်မယ်တကဲကဲလုပ်နေသူတွေ အနေနဲ့ အစာကိုပဲငမ်းပြီး အရမ်းတိုးဝင်ရင် ထောင်ချောက်ထဲ ရောက်သွား လိမ့်မယ် ဆိုတာ သတိပြုသင့်ပါတယ်။ တဘဝလုံးလုပ်ခဲ့ သမျှ ဒီတလှမ်း၊ ဒီတကွက်နဲ့ ပျက်စီးသွားနိုင်ပါတယ်။ ကိုယ်သေပြီး တဲ့နောက်တောင်မှ အမည်း ကွက်ကြီးအဖြစ်ကျန်ရစ်ခဲ့မှာပါ။ ဘယ်လိုမှဖျက်မရနိုင်ပါဘူး။ တချို့ အကြိမ်ကြိမ်လက်နက်ချနေသူ တွေကိုကြည့်ပြီး လက်နက်ချ တာများ ခက်တာမှတ်လို့ ဆိုတာမျိုး မလုပ်သင့်ပါဘူး။ အင်မတန် အစဉ်အလာ ကြီးပါတယ်ဆိုတဲ့ လူတွေ လက်နက်တခါ ချလိုက်တာနဲ့ ဘဝတခုလုံး လုပ်ခဲ့တာတွေအပါ မြောင်းထဲရောက်သွားတာကို မမေ့သင့် ပါဘူး။

အတိုက်အခံတွေထဲမှာ ဒီရွေးကောက်ပွဲအကြောင်းပြပြီး ကတ္တီပါလမ်းခွဲဖြစ်သွားတာ၊ ကျောခိုင်းကြတာ၊ ဒါမှ မဟုတ် မိတ်ဆွေအဖြစ်ကနေ ရန်သူဖြစ်သွားတာမျိုးတောင် ဖြစ်လာနိုင်ပါတယ်။ တချို့လက်နက်ကိုင် အင်အားစု တွေထဲမှာ တောင်မှ ဒါမျိုးတွေကို မကြာမကြာတွေ့နေရပါတယ်။ တကယ်တော့ ရဲဘော်ရဲဘက်ချင်း၊ မိတ်ဆွေ ချင်း၊ ဘယ်သူမှ အဲဒီလိုမဖြစ်ချင်ကြပါဘူး။ ဒါပေမယ့် ဒီသမိုင်းတကွေ့ဟာ ဗမာပြည်နိုင်ငံရေးမှာ ထူးခြားတဲ့ အကွေ့ကြီးတခု မဟုတ်ပါလား။

အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မလေးရှား၏ ထုတ်ပြန်ချက်

Publish at Scribd or explore others: